Nota de prensa:
Balseiro salientou que os plans de cooperación da Xunta dispoñen de case un 20% más de orzamento que en 2010 tras a apertura da convocatoria de axudas no día de hoxe
OS CONCELLOS PODERÁN CONTRATAR OS GRUMIR EN APROXIMADAMENTE 15 DÍAS DESDE QUE REXISTREN A SÚA SOLICITUDE DE SUBVENCIÓN
* MAIOR AXILIDADE: A Xunta adianta a publicación da orde de axudas un mes e medio con respecto o ano anterior, o que permitirá a inmediata cobertura destes postos de traballo unha vez se efectúe a selección do persoal polos distintos concellos entre as persoas desempregados inscritas no INEM.
* A Mariña disporá COMO MÍNIMO de 60 efectivos do GRUMIR e de 32 novos traballadores de servizos de interese xeral en postos diversos.
A Mariña 17 de xaneiro de 2010.- Jose Manuel Balseiro adiantou que coa publicación hoxe da convocatoria dos programas de cooperación cos concellos a nosa comarca disporá de -como mínimo- 60 efectivos do GRUMIR e de 32 novos traballadores de servizos de interese xeral que desenvolverán o seu traballo en postos moi diversos subvencionados ao 100% pola Xunta de Galicia.
GRUPOS MUNICIPAIS DE INTERVENCIÓN RÁPIDA
No caso dos GRUMIR a súa contratación durante un período que pode ser de entre 6 e 9 meses cobran especial importancia na Mariña xa que será o persoal técnico encargado dos servizos de protección civil, protección do ambiente, prevención e extinción de incendios e, en xeral, a aquelas dirixidas a salvagarda das persoas, dos seus bens e do patrimonio público.
Desde o 31 de decembro os GRUMIR so contaban co persoal estable e voluntariado (entre 1 e 3 capataces, que agora sumarán ata 12 persoas máis contratadas segundo a distribución habitual por concellos)
Balseiro explicou que este ano a Xunta axilizou de xeito salientable a publicación da orde polo que a administración autonómica permitirá facer estas contratación cun mes e medio de antelación co respecto ao ano anterior. De feito unha das novidades máis salientables é que o novo Goberno consolida a posibilidade posta en marcha o ano pasado polo Goberno popular, para que os concellos que presentasen as correspondentes solicitudes realicen contratacións anticipadas antes das futuras resolucións de concesión, e previa autorización da Xunta co obxecto de garantirlles a atención urxente das obras e servizos que vaia a realizar
“Si en 2010 a orde saíu publicada o 11 de marzo e as contratación tiveron lugar aproximadamente sobre 16 días despois, este ano a orde publicouse hoxe día 17 e en aproximadamente 15 días poderán facer as contratacións deste persoal, unha vez reciban a autorización da Xunta.” – explicou Balseiro.
Ademais no 2011 os programas de cooperación, tal e como adiantou o Presidente da Xunta, Alberto Núñez Feijoo, dispoñen de case un 20% máis de orzamento que en 2010 xa que superará os 114 millóns de euros
AXUDA MÍNIMA EN FUNCIÓN DA POBOACIÓN
Outra novidade é que este ano establécese unha axuda mínima seguindo o criterio obxectivo de poboación. A nova orde establece tramos en función do número de habitantes do municipio/contía equivalente, que é o persoal que como mínimo (sen contar os GRUMIR) recibirán en cada concello se as solicitudes son correctas
* Ata 1.000 habitantes: 1 contratación.
* De 1.001 a 2.000 habitantes: 2 contratacións.
* De 2.001 a 5.000 habitantes: 3 contratacións.
* De 5.001 a 20.000 habitantes: 4 contratacións.
* Máis de 20.000 habitantes: 5 contratacións
A axuda pode chegar ata os 500.000 de euros e cubrirá en todo caso os custes salarias totais da persoa contratada, incluída a seguridade social, en función do convenio colectivo municipal que se lle aplique.
Terán preferencia traballadores e traballadoras desempregados/as e mulleres vítimas de violencia para a realización de obras ou servizos de interese xeral e social. A duración dos contratos: Pode chegar ata os 12 meses, polo tanto superior a establecida en convocatorias anteriores polo bipartito.
A IMPORTANCIA DOS CONCELLOS
A través desta programa a Xunta quere recoñecer a importancia dos municipios e darlles o peso que lles corresponde no reparto do gasto público, tendo sempre presente que son os que máis preto están dos cidadáns. Pola contra Balseiro considera que é un notable erro que os concellos paguen os problemas de solvencia de España, tal e como fixo o Goberno central ao reclamarlle aos municipios unha débeda de 108 millóns de euros por 2008 e como veu de facer por 2009 ao reclamar 322 millóns de euros.
“A pesar das dificultades a Xunta é solidaria coa situación de asfixia económica que están a vivir os concellos debido a dúas razóns: a propia crise económica e as contraditorias políticas do Goberno central.E neste tipo de plan demostran o seu compromiso municipal”- explicou Balseiro
MELLORA DA EMPREGABILIDADE
O plan de cooperación cos concellos é unha política activa de emprego coa que a Xunta que te unha dobre perspectiva por un lado quere servir de ferramenta para a mellora da empregabilidade, a través da adquisición de experiencia profesional das persoas traballadoras desempregadas que participen nestes e de dinamización e, por outra banda, quere servir para a xeración de novas actividades no medio local e rural.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).