Nota de prensa:
FERNANDO SUÁREZ CRITICA QUE A MAQUINARIA DA DEPUTACIÓN PROVINCIAL ESTEA A ARRANXAR CAMIÑOS EN OVE SEN PREVIA COMUNICACIÓN E COORDINACIÓN CO CONCELLO. O REXEDOR LÉMBRALLE A GÓMEZ BESTEIRO QUE EN RIBADEO MANDAN O ALCALDE E O SEU EQUIPO DE GOBERNO.
Ribadeo, 17 de xaneiro de 2011. O alcalde de Ribadeo, Fernando Suárez, critica que a maquinaria da Deputación Provincial estea a arranxar desde hoxe camiños en Ove sen previa comunicación e coordinación co Concello. E lémbralle a Gómez Besteiro que en Ribadeo mandan o alcalde e o seu equipo de goberno.
O rexedor dixo que “con gran sorpresa debo dicir que o presidente da Deputación Provincial de Lugo adoece das máis mínimas cuestións formais e de respecto institucional entre diferentes administracións, como é o Concello de Ribadeo e a propia Deputación. Agora mesmo atópome en Ove e asisto con certa incredulidade a observar como despois de máis dun ano non diante de min, senón diante de todos os voceiros da Corporación, o presidente da Deputación compreteu o parque móvil de maquinaria e unha aportación económica tamén para amañar determinadas pistas no concello de Ribadeo tanto nas parroquias da costa como do interior e despois dun ano desde que lle levo recordado varias veces a súa palabra non soamente non a cumpriu senón que a cumpriu dunha maneira absolutamente sectárea, maniquea e política, debe ser que quere apoiar ao seu candidato aquí en Ribadeo”.
Suárez Barcia relatou que “hoxe as máquinas están a traballar ao servizo do presidente dunha comunidade de montes, é algo que me parece inaudito porque a responsabilidade e a coordinación compételle ao goberno municipal e a este alcalde por máis que o señor Besteiro non sexa da mesma cor política que este rexedor. Eu creo que os responsables das institucións debemos estar por enriba das cuestións partidarias, logo cando haxa unha campaña electoral cada un tirará polos seus como ben poida, pero aínda é moi cedo para facer estas artimañas”.
O alcalde de Ribadeo lembrou que “temos que amañar unha serie de camiños con motoniveladora, con pala, con toda a maquinaria do parque da Deputación e para iso hai que facer unha labor de coordinación desde o Concello, moitas desas pistas témolas que desbrozar previamente e gústelle ou non lle guste ao presidente da Deputación en Ribadeo manda o alcalde e o goberno municipal e non o presidente dunha comunidade montes por moito que lle poida doer. Deben saber que ou ben están as ordes e coordinados co Concello de Ribadeo ou que vaian facer política a outro sitio”.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
