Lonxe de rectificar e pedir desculpas despois do duro varapalo xudicial recibido, no PSOE de Cervo seguen obsesionados en defender que actuaron correctamente cando impugnaron ante os tribunais o cambio de titularidade dunha praza de taxi, co único obxectivo de prexudicar ao seu anterior titular, que agora traballa con este deputado, como chofer do Parque Móbil do Parlamento de Galicia.
Os socialistas non teñen ningún dereito a facer como si a sentenza xudicial non existira e nela, o tribunal realiza un pronunciamento inequívoco e contundente no que determina, sen espazo para a menor dúbida, que o Concello de Cervo actuou correctamente, respectando en todo momento a lei e o procedemento administrativo regrado.
Ninguén está aquí a cuestionar a lexitimidade do PSOE de levar ante a xustiza todo aquelo que considere debe ser revisado polos órganos xudiciais, nin critica, aínda que non compartamos, que para ocultar o seu fracaso na xestión como partido da oposición, intenten xudicializar cada decisión que adopta o Goberno municipal de Cervo. O que se cuestiona, censura e critica é que, disfrazado con outra escusa, o PSOE executara un acto de persecución política e castigo, contra aquelas persoas que non pensan como eles.
Os socialistas non teñen dereito ningún a facer que os veciños de Cervo paguen os seus caprichos, sobre todo cando a xustiza non lles da a razón. E tras impugnar esta licenza o Concello de Cervo tivo que asumir uns gatos de obrigada defensa xudicial (avogados, procurador,…) a cargo das arcas municipais. Aínda seguimos á espera de que, os edís do PSOE, asuman este gasto dos seus petos, toda vez que o tribunal deu a razón ao Concello.
Os veciños de Cervo deben saber que no PSOE practica a persecución política, e o fan amparándose nunha situación de impunidade, cando o certo é que terán que dar conta dos seus actos ante todos os veciños, como xa o fixeron ante a xustiza, que non lles deu a razón.
En vez de aproveitar a Deputación para traer novos investimentos e servizos, Lara Méndez pasará á historia por non ter feito nada por Cervo, salvo o mínimo imprescindible e obrigado. Nin asumiron a compra do solar anexo ao Museo do Mar, para facilitar a súa ampliación, nin executaron ningunha obra de relevancia en San Ciprián e no conxunto do concello. Todo porque aos socialistas parece molestarlles que os veciños de Cervo non acaben por darlles o seu respaldo electoral e unha tras outra, a cita coas furnas implique a derrota do PSOE, como aconteceu nas pasadas eleccións autonómicas. Castigan ao seu pobo, aos que simpatizan co PP, e incluso a aqueles que non pensan como eles. Pero os veciños como xa fixo a xustiza saberá poñerlles no seu sitio.
José Manuel Balseiro Orol
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
