Nota de prensa:
O TITÁN MOSTOLEÑO RECALA EN VISTA ALEGRE
O cadro de Javier Pardeiro comeza a segunda volta por todo o alto, con espectáculo futbolístico garantido ante o campión de inverno da División de Honra. O Burela FS poñerá a proba mañá a imbatilidade do titán mostoleño, que recala en Vista Alegre na décimo sexta xornada (18.30 horas).
Dende a cuarta praza, as pupilas de Pardeiro (30 puntos) loitarán con todos os seus recursos para neutralizar a invencibilidade das madrileñas, rival que xunto ao liderado tamén ostenta os títulos de segundo máximo goleador, por detrás do Cajasur Córdoba, e segundo menos goleado, despois do Ponte Ourense. As burelás tentarán suplir as ausencias de vestiario co apoio da casa, xa que a de mañá non se presenta como a mellor xornada para o banco laranxa. Xunto á baixa de Ro, que evoluciona favorablemente da súa lesión, o técnico mariñán tampouco poderá contar con Vanessa, á que lle foi detectada unha rotura fibrilar. Seria dúbida será Cuchi, por unha escordadura de metatarsiano. Tamén arrastra molestias de abductores Alba.
Segundo a información facilitada polo Móstoles FSF, a ala-pivote Ione Sánchez causou baixa debido a motivos persoais tras chegar a un acordo para rescindir o contrato. O adestrador madrileño, David Zamorano, destacou a traxectoria das laranxas: “Realizaron unha espectacular primeira volta (…). Non debemos ter medo; motívannos as citas de nivel coma esta xa que poñen a proba a nosa capacidade e confianza”, dixo o técnico.
O outro gran partido da xornada será para o duelo entre terceira e segunda posición, Valladolid (32) e Ponte Ourense (42). Por detrás das mariñás, moi preto, o Atlético de Madrid Navalcarnero (quinto, 29) visita o Cidade das Burgas (sétimo, 22).
Minuto de silencio. Antes do asubío inicial que dará comezo á cita Burela FSF-Móstoles, o pavillón Vista Alegre gardará un minuto de silencio polo repentino falecemento do mozo deportista, de 22 anos, Rubén Fernández, curmán da xogadora Ro Carballés e sobriño do directivo Javier Otero. O CD Burela FS quere expresar as súas máis sinceras condolencias a familiares e amizades.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
