Nota de prensa
O ALCALDE DE FOZ SOLICITA UN CRÉDITO DE 700.000 € POR FALTA DE LIQUIDEZ DO CONCELLO
O BNG afirma que “esto ven a ratificar a mala xestión económica de Rivera ao fronte do Concello durante estes anos”
Es posible que tu navegador no permita visualizar esta imagen.
Foz a 1 de febreiro de 2011.- O Concello de Foz aprobou por resolución da Alcaldía o pasado 27 de decembro de 2010 unha operación de tesourería na modalidade de póliza de crédito por importe de 700.000 euros. A razón é a falta de liquidez que atravesa a tesourería do Concello de Foz e a necesidade de facer fronte ás obrigas recoñecidas do ano pasado e principios deste.
Para o portavoz municipal do BNG, Xan Carlos González Basanta, a falta de liquidez na que se atopa o Concello é consecuencia da mala xestión económica realizada durante estes catro anos polo actual grupo de goberno e principalmente polo seu alcalde, o Sr. RIvera. Unha xestión que o levou a dilapidar en catro anos todo o remanente de tesourería que tiña o Concello e que sobrepasaba os seis millóns de euros (6.000.000 €) levando ao Concello a esta situación de ter que pedirlle cartos aos bancos para pagar débedas.
O BNG xa solicitou o Estado de Contas do Concello así como os detalles desta operación de crédito pero podemos avanzar que estas non son boas noticias para o Concello de Foz que cada vez está endebedándose máis mentres o alcalde non toma ningunha medida das aprobadas na Corporación para reducir e racionalizar o gasto.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
