NOTA DE PRENSA
Anunciou que o PSdeG apoiou a proposición do PP por responsabilidade política
OS SOCIALISTAS RECLAMAN A FEIJOO QUE “SE DEIXE DE PROPAGANDA”, E EXECUTE NESTE ANO AS OBRAS DA CONCENTRACIÓN PARCELARIA DE ALFOZ
– A portavoz de Medio Rural do Grupo Parlamentario Socialista Sonia Verdes denunciou que as obras están paradas polo PP, “pero non so en Alfoz, senón en toda Galicia”
Santiago de Compostela, 3 de febreiro de 2011. A portavoz de Medio Rural do Grupo Parlamentario Socialista Sonia Verdes interveu hoxe na Comisión 7ª do Parlamento, mediante unha emenda, para que se continúe o proceso de concentración parcelaria de Val de Alfoz no concello de Alfoz ( Lugo), coa suficiente dotación e con cargo aos orzamentos para o ano 2011, co fin de rematar o proceso de concentración á maior brevidade respectando os prazos legais. A iniciativa foi rexeitada polo Partido Popular.
A voceira socialista solicitou, mediante esta emenda, que se executen de xeito urxente as obras de acondicionamento na rede de vías e camiños de concentración parcelaria de Val de Alfoz tal que poidan estar rematadas no primeiro cuadrimestre deste ano.
Na citada emenda tamén reclamou que se proceda á execución da totalidade das obras do Plan de obras da concentración parcelaria de Val de Alfoz, incluíndo todas as obras inherentes á concentración parcelaria, de saneamento de terras e acondicionamento das novas parcelas, e de ser o caso, outras obras anexas, antes do remate deste ano, co fin de proceder á entrega dos títulos de propiedade á maior brevidade posible. E ademais que se resolvan as alegacións formuladas polos propietarios no primeiro trimestre do ano.
Neste asunto dixo Verdes “hai que ir coa verdade por diante”. E denunciou que as obras da concentración parcelaria están paradas polo PP, pero non so en Alfoz, senón en toda Galicia. Replicou que segundo a Lei de concentración parcelaria as obras son competencia da Xunta de Galicia.
A portavoz socialista envíolle unha mensaxe ao PP “si queren algún compromiso cos veciños de Alfoz, ten aquí unha boa ocasión, acepten a nosa emenda para garantir que neste ano rematen as obras na concentración”. Por ultimo pediulle que “no canto de propagandas aplíquese para promover tamén o polígono industrial”, con fin de conquerir a dinamización da comarca, sentenciou.
Así as cousas anunciou que o PSdeG apoiou a proposición do PP por responsabilidade política, xa que non aceptaron a emenda socialista, co fin de garantir o remate destas obras neste mesmo ano.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
