Nota de prensa
A REDE DE DINAMIZACION LINGÜÍSTICA PROMOVIDA POLA SECRETARÍA XERAL DE POLÍTICA LINGÜÍSTICA E UNHA COMEDIA PARA XUSTIFICAR QUE FAN ALGO POLO GALEGO
O goberno municipal cervense que empece por respectar os topónimos oficiais e a Lei de Normalización lingüística se quere ter algunha credibilidade
O PP tenta lexitimar a política da SXPL facendo ver que fan algo positivo mentres por outro lado eliminan o galego das aulas e perseguen a quen o usa con normalidade
Cervo, 9 de febreiro de 2011. O BNG acusou ao alcalde cervense de tentar lavar a cara do PP e do Secretario Xeral de Política Lingüística, Anxo Lorenzo, sumándose á Rede de Dinamización Lingüística promovida pola SXPL que nin ten a pretensión de normalizar o uso do galego, nin promove o uso normalizado do noso idioma nos concellos, nin sequera ten orzamento para 2011, senón que trata de lexitimar a política da Secretaría Xeral con catro actividades en galego mentres por outra banda prohíbeno en determinadas materias do ensino, elimínano nas oposicións públicas e recortan o apoio para súa promoción e normalización. Os nacionalistas esixiron ademais ao goberno local que empece por acatar a Lei de Normalización Lingüística co uso dos topónimos oficiais se quere ter algunha credibilidade na promoción do uso do idioma galego.
O goberno local de cervense e o primeiro en incumprir a lexislación lingüística no uso dos topónimos
O BNG cualificou de “brinde ao sol” a reunión do alcalde cervense, Alfonso Villares, e o Secretario Xeral de Política Lingüística, Anxo Lorenzo, para tratar a adhesión do Concello de Cervo á Rede de Dinamización Lingüística promovida polo seu departamento. Para os nacionalistas o que ten que facer a Xunta e promover o uso do galego e a súa normalización “non cantos de serea para xustificar que se fai algo mentres por outra banda atácase sen complexos o seu uso nas aulas, no acceso á función pública, ou na castelanización dos topónimos oficiais”. O portavoz municipal nacionalista, Xoán Antón Estúa, acusou ao goberno municipal cervense de “dar patadas ao idioma galego constantemente, incumprindo a lexislación lingüística cos topónimos oficiais en carteis, actas, e felicitacións de Nadal, polo que non ten credibilidade ningunha quen debe empezar por cumprir unha lei aprobada democraticamente”.
A Secretaría Xeral non ten en conta nesta rede a participación do concellos e imporá sen consultar as súas decisións.
Os nacionalistas, aínda podendo compartir o espírito da rede, non entenden “como e posíbel a adhesión de concellos que nin usan o galego con normalidade, nin cumpren a lexislación lingüística e por riba, dende a Secretaría Xeral, premialos con dúas ou tres actuacións teatrais en galego para que o alcalde aplauda, iso si, en galego”. Estúa criticou que unha rede que pretende unificar concellos para definir unha planificación de fomento do uso do noso idioma, “non pode desprezar os servizos de normalización lingüística nos concellos onde os hai e actuar de xeito paternalista tomando decisións no nome de todos”.
A Rede de Dinamización Lingüística non conta con ningún orzamento para 2011.
Os orzamentos 2011 da Xunta de Galiza non contemplan un so euro para esta Rede e reducen drasticamente as axudas aos concellos para normalización lingüística, evitando deste xeito que os existan onde non o hai ou poñendo en dificultades a aqueles que queren mantelos. Para os nacionalistas o único que busca a Secretaría Xeral de Política Lingüística e xustificar a súa existencia con “actuacións para a galería”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
