Nota de prensa
Reclama a comparecencia do Conselleiro de Infraestructuras no Parlamento
OS SOCIALISTAS RECLAMAN EXPLICACIÓNS POLA RETRASO NOS ACONDICIONAMENTOS DA ESTRADA LU-113
– O portavoz de Obras Públicas do Grupo Socialista, Pablo López Vidal lembra que por un lado a Consellería realiza Informes Técnicos para avaliar as estradas do Ministerio de Fomento, en alusión ao documento elaborado pola Xunta sobre a autovía do Cantábrico, pero é incapaz de sacar adiante os seus propios proxectos
-Denuncia que é unha obra que non chegou a tempo de enlazar nos tramos da A-8 recentemente inaugurados polo Ministerio de Fomento e que ten prevista a súa futura conectividade na rotonda de Abadín
Santiago de Compostela, 10 de febreiro de 2011. O portavoz de Obras Públicas do Grupo Socialista, Pablo López Vidal anunciou hoxe que presentou diversas iniciativas na Cámara Autonómica nas que reclama explicacións polo retraso nos acondicionamentos da estrada LU-113 no treito Moncelos-Abadin. Ademais solicitou tamén a comparecencia do Conselleiro de Medio Ambiente e Infraestructuras na Comisión 2º do Parlamento para dar conta deste asunto.
Ademais lembra que por un lado a Consellería realiza Informes Técnicos para avaliar as estradas do Ministerio de Fomento, en alusión ao documento elaborado pola Xunta sobre a autovía do Cantábrico, pero é incapaz de sacar adiante os seus propios proxectos.
O portavoz socialista sinala, na iniciativa rexistrada, que as obras do treito da estrada LU-113 entre Abadín e Moncelos foron licitadas no DOG de data 18 de setembro de 2007 cun prazo de execución de 24 meses. Con posterioridade no DOG de data 22 de febreiro de 2008, se adxudican as obras de acondicionamento da estrada LU-113 no treito Moncelos – Abadín (N-634), por importe de 4.769.327,44 € a unha UTE de empresas.
O parlamentario explica que esta actuación é moi necesaria e moi precisa para mellorar a mobilidade dos cidadáns dos concellos afectados: Lugo, Castro de Rei, Abadín, Outeiro de Rei e Cospeito. Advirte que é “unha actuación que a día de hoxe está sen rematar e sen poder ser utilizada pola cidadanía, máis de 110 habitantes que agardan por que se mellore a súa seguridade viaria”.
Denuncia que é unha obra que non chegou a tempo de enlazar nos tramos da A-8 recentemente inaugurados polo Ministerio de Fomento e que ten prevista a súa futura conectividade na rotonda de Abadín.
Pregunta Oral en Comisión
Por iso quere coñecer:
1.Cales son as causas do retraso que padece a execución desta obra de mellora de seguridade viaria?
2.A modificación do trazado para non afectar a un Muíño, pode xustificar un retraso na execución desta obra de 12 meses?
3.Que cronograma manexa actualmente a Consellería responsable da mobilidade en Galicia, para abrir ao tráfico esta estrada que vertebra a Terra Cha coa capitalidade da provincia e que da acceso a unha vía de alta capacidade?
4.Que responsabilidades se derivan desta actuación neglixente e que afecta a unha infraestructura de comunicación?.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
