Nota de prensa
A deputada lamenta que a Deputación tardara 73 días en asinar o convenio e cualifica de “infantil” que dilatara a sinatura “ata que estivo en disposición de empezar os traballos” que lle corresponden
EMMA ÁLVAREZ RESALTA QUE O INICIO DAS OBRAS NAS PISTAS DA CONCENTRACIÓN PARCELARIA VAL DE ALFOZ DEMOSTRA QUE O GOBERNO DE FEIJÓO CUMPRE OS SEUS COMPROMISOS
* A parlamentaria do Grupo Popular lembra que presentou unha iniciativa no Parlamento para axilizar o arranxo dos viais, que foi aprobada o pasado 4 de febreiro, polo que a rexistrada posteriormente pola deputada socialista Sonia Verdes “carece de sentido”.
Santiago, 15 de febreiro de 2011.- A deputada do Grupo Popular Emma Álvarez Chao resalta que o inicio das obras de asfaltado nas pistas da concentración parcelaria Val de Alfoz, en Foz, demostra que o Goberno de Feijóo cumpre os seus compromisos. A Xunta de Galicia empezou onte as ditas obras, unha vez que a Deputación de Lugo asinou o pasado día 9 o convenio redactado polos membros da Consellería de Medio Rural e aprobado no Pleno da Deputación o 29 de novembro do pasado ano.-
A deputada lamenta que a Deputación tardara 73 días en asinar o convenio e cualifica de “infantil” que dilatara a sinatura “ata que estivo en disposición de empezar os traballos” que lle corresponden. Fronte á “responsabilidade demostrada polo Goberno galego, que estaba pendente de que a Deputación Provincial asinara o convenio para poder iniciar unhas obras reiteradamente demandadas polos veciños”, os populares consideran que a Administración provincial actuou “dun xeito infantil” ao retrasar a dita sinatura ata a mesma data na que “trouxo as súas máquinas para empezar a asfaltar”. Para Álvarez Chao, “parece que o único afán da Deputación foi o de intentar desmotrarlles aos veciños que empezaba antes que a Xunta”.
AXILIZAR O ARRANXO DOS VIAIS
Pola contra, para o PPdeG o importante era que ambas administracións “axilizaran as obras para que os veciños puideran ver arranxadas as vías de comunicación entre as principais parroquias, que levaban meses en estado penoso”.
A parlamentaria do Grupo Popular lembra que presentou unha iniciativa no Parlamento para axilizar o arranxo dos viais, que foi aprobada o pasado 4 de febreiro, polo que a rexistrada posteriormente pola deputada socialista Sonia Verdes “carece de sentido”, ademais de que “non se pode rematar a concentración parcelaria por debaixo dos prazos legais”.
O obxectivo da iniciativa dos populares era que os prazos legais foran o máis curtos posible “para que os propietarios afectados poidan disfrutar no menor tempo da nova distribución das 1.667 hectáreas que comprende esta concentración parcelaria”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
