NOTA DE PRENSA
GRUPOS DE BUSCA DE EMPREGO
O Concello de Xove é coñecedor das dificultades que poden xurdir en torno a unha situación de desemprego, que no memento actual se atopan incrementadas pola persistente crise económica; pero sabe tamén da importancia de adoptar unha actitude activa e planificada na procura dun traballo, sobre todo nestes tempos.
Por iso, a través do seu Departamento de Emprego e Desenvolvemento Local, organiza un ano máis, GRUPOS DE BUSCA DE EMPREGO co obxectivo de facilitar a inserción laboral das persoas desempregadas de Xove.
A organización destes grupos vai dirixida a tódalas persoas veciñas do municipio, que estando anotadas no Plan de Emprego Municipal 2011, non atopen un posto de traballo e así o desexen.
Estes grupos estarán titorizados por persoal do Dpto. de Emprego e Desenvolvemento Local, (que conta cunha orientadora laboral) e desenvolverán as seguintes actividades:
-
- Lectura de xornais, Diario Oficial de Galicia e outras publicacións e documentación adecuada.
- Busca de Ofertas de Emprego.
- Redacción de Currículo Vitae e Cartas de Presentación.
- Preparación para Entrevistas de Traballo.
- Confección de listados de empresas ás que enviar curriculos.
- Charlas informativas de persoas relacionadas con recursos humanos de distintas empresas.
- Todas aquelas outras que se demanden desde o grupo e sexan factibles.
As reunións destes grupos serán semanais e terán lugar os luns das 17:00 ás 18:00 H. na Aula de Formación do Concello de Xove.
Estes grupos inician as súas reunións o próximo luns 28 de febreiro na Aula de Formación do Concello e asistirán as quince persoas que están anotadas. No caso de haber máis persoas interesadas poden anotarse no Dpto. de Emprego e Desenvolvemento Local, podendo formarse novos grupos, xa que é máis adecuado que o tamaño dos grupos sexa pouco numeroso.
Estes grupos celébranse no MARCO DO PLAN DE EMPREGO MUNICIPAL.
O Plan de Emprego regula unha subvención para as empresas que contraten persoas desempregadas de Xove, podendo chegar á cantidade de 6.000 €.
Na súa modalidade de autoemprego, subvenciona ás persoas do municipio que crean o seu propio posto de emprego dándose de alta en autónomos ou creando algún tipo de sociedade no propio municipio. (Ver díptico explicativo que se achega).
As cifras do PEM-2010 son as seguintes:
RESULTADOS DO PLAN DE EMPREGO MUNICIPAL 2010
| BENEFICIARIOS/AS DO PLAN DE EMPREGO 2010. CONTRATOS POR CONTA ALLEA | |||
| MULLERES | HOMES | ||
| INICIADOS | PRORROGADOS | INICIADOS | PRORROGADOS |
| 21 | 17 | 11 | 38 |
| TOTAL: 38 | TOTAL: 49 | ||
| TOTAL: 87 | |||
| TIPOS DE CONTRATO SUBVENCIONADOS POLO PEM 2010 | |||
| MULLERES | HOMES | ||
| TEMPORAL | INDEFINIDO | TEMPORAL | INDEFINIDO |
| 20 | 18 | 11 | 38 |
| TOTAL: 38 | TOTAL: 49 | ||
| TOTAL: 87 | |||
| AUTÓNOM@S BENEFICIARIOS PEM 2010 | |||
| MULLERES | HOMES | ||
| INICIADOS | PRORROGADOS | INICIADOS | PRORROGADOS |
| 6 | 1 | 1 | 1 |
| TOTAL: 7 | TOTAL: 2 | ||
| TOTAL: 9 | |||
EN TOTAL, NO PEM 2010 INVESTÍRONSE 44.498,95 €
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
