Nota de prensa
A Deputación mellora as pistas da concentración parcelaria de Alfoz en menos dunha semana
– A Vicepresidenta Segunda supervisa as obras de mellora que afectan a un treito de 2,7 quilómetros e se enmarcan dentro do convenio asinado coa Xunta de Galicia para repartir os treitos que cada administración debía mellorar
– Lara Méndez subliña que “nós cumprimos coa palabra dada ós veciños” e insta ó Executivo Galego a que actúe coa mesma celeridade para arranxar os 4,6 quilómetros que lle corresponden
– Polo que se refire á calidade dos materiais empregados, asegura que non darán o mesmo resultado, xa que os treitos arranxados pola Deputación levan aglomerado en quente e os da Xunta só rego asfáltico
– Esta actuación enmárcase dentro do esforzo inversor que está a facer a Deputación neste municipio da Mariña no que vai de mandato e que supera o millón de euros
A Vicepresidenta Segunda da Deputación de Lugo, Lara Méndez, supervisou este xoves as obras de asfaltado executadas polo organismo provincial nas pistas da concentración parcelaria do Concello de Alfoz, e que se enmarcan dentro do convenio de colaboración que foi asinado entre a institución provincial e a Xunta de Galicia para repartir os treitos que cada administración debía mellorar. Neste senso, segundo o acordo, a Deputación mellora 2,7 quilómetros e a administración autonómica 4,6.
Trala visita ás obras, Lara Méndez subliñou a celeridade coa que actuou o organismo provincial, xa que inmediatamente despois da sinatura do acordo, a principios do mes de febreiro, “iniciamos os traballos que quedaron rematados en só tres días. Pola contra, a Xunta, que sumaba dous anos coas obras paradas, leva xa máis de sete días traballando e a día de hoxe aínda non rematou. A este paso os máis de catro quilómetros que lle pertencen non se acabarán en meses”. A este respeto, apuntou que “a Deputación xa fixo o que lle correspondía, cumprindo coa palabra dada ós veciños, agora esperamos que o goberno autonómico faga o mesmo coa súa parte”.
Aposta pola calidade e a durabilidade
Lara Méndez amosou a súa satisfacción polo resultado das obras e destacou que a calidade e durabilidade dos materiais con que cada organismo traballa non teñen comparación. Os treitos da Deputación quedaron rematados con aglomerado en quente, mentres que o goberno autonómico, está usando rego asfáltico. Pode ser que nun principio non se aprecie a diferencia pero dentro de dous meses, os treitos da Xunta cando sexan usados e chova por eles, volverán a estar en mal estado e cheos de fochancas, polo que non me extraña que os veciños se queixasen de como a Xunta está executando a súa parte”.
Máis de 1 millón de euros para Alfoz
A Vicepresidenta Segunda destacou que esta actuación se enmarca dentro do esforzo inversor que está a facer a Deputación neste municipio da Mariña. En total, o organismo provincial leva investidos no que vai de mandato en Alfoz máis de 1 millón de euros. Precisamente, dentro da aposta pola creación de emprego, o día 1 de xaneiro comezarán a traballar as 7 persoas deste Concello que foron seleccionadas dentro do programa Lugo Emprega. En materia de infraestruturas, melloráronse con aglomerado en quente varios treitos das estradas provinciais de San Acisclo e Oiras e a de Areas por Oirán a Ver. Asimesmo, dentro dos Plans de Comunidades Veciñais e de Pequenas infraestruturas executáronse actuacións por valor 128.000 euros. Os veciños deste municipio tamén estarán seguros coa rede provincial de bombeiros que impulsou o organismo provincial.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
