Os nacionalistas sempre recorren ás mesmas estratexias: manipulación da realidade, alarmismo social e mentiras deliberadas, segundo os deputados popular Emma Álvarez Chao e José Manuel Balseiro Orol
O PPDEG REITERA QUE NO BNG SEGUEN A MENTIR A SABENDAS EN RELACIÓN CO CANON DA AUGA, COA FALSA OBRIGATORIEDADE DE INSTALAR CONTADORES E CO COBRO DE TRAÍDAS E POZOS PARTICULARES NA NOVA LE DE AUGAS
· Os populares emprazan aos nacionalistas a que abandonen a súa política do panfleto contando mentiras a todos os veciños e intentando enganalos
Viveiro, 2 de marzo de 2011.- Os deputados do Grupo Parlamentario Popular de Galicia, Emma Álvarez Chao e Jose Manuel Balseiro Orol insistiron en que os nacionalistas sempre recorren ás mesmas estratexias: manipulación da realidade, alarmismo social e mentiras deliberadas, neste caso aplicadas á falsa interpretación que eles fan do canon da auga.
Os parlamentarios lembran que a nova Lei de augas recolle expresamente beneficios na xestión da auga no noso territorio, sobre todo no medio rural. Eximindo na práctica do pago do canon de feito expreso aos usos domésticos con captacións propias e aos usos agrícolas, gandeiros e forestais. Esta situación contraponse radicalmente co que están a difundir socialistas e nacionalistas en diversas charlas organizadas polos núcleos rurais da comarca.
Balseiro Orol e Álvarez Chao insisten en que o propio Conselleiro de Medio Ambiente, Territorio e Infraestructuras, Agustín Hernández, ten explicado que o cobro a traídas particulares e pozos é antieconómico xa que está bonificado nun 90% -isto é, resulta máis caro efectuar as comprobacións necesarias para o cobro que o beneficio que a administración obtén polo mesmo- e, en consecuencia, na práctica non se efectuará ningún tipo de pago, nin como é lóxico, obrigarase a ninguén á instalación de contadores.
Os parlamentarios tamén deron conta doutros beneficios introducidos pola nova Lei de auga como son as bonificacións para as familias numerosas ou o pago en función do grado de consumo, polo que abonarán un maior importe aqueles que maior uso individual fagan da auga, o que é máis xusto e equitativo.
Os populares emprazan aos nacionalistas a que abandonen a súa política do panfleto contando mentiras a todos os veciños e intentando enganalos e amosan o seu total convencemento de que nin as altas doses de hipocrisía política aderezadas con altas doses de irresponsabilidade servirán para que PSOE e BNG poidan recuperarse das lentas dixestións que lle producen as victorias electorais do Partido Popular e a xestión eficaz, austera e comprometida con Galicia que desenvolve o Goberno que preside Alberto Núñez Feijoo.
Nota de prensa
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
