Nota de prensa
O CONCELLO DE CERVO ACOMETE AS OBRAS DE RENOVACIÓN E MELLORA DA REDE DE ABASTECEMENTO DE AUGA DA RÚA XOSÉ Mª CAO, NA CAPITAL DO MUNICIPIO
*
Os traballos forman parte dun convenio de máis de 209.000 euros subscrito entre o Concello e a Xunta para acometer a modernización do abastecemento de auga en varios puntos do municipio
Cervo, 02 de marzo de 2011.- O alcalde de Cervo, Alfonso Villares, informou esta mañá do inicio dos traballos de renovación e mellora da rede de abastecemento de auga municipal na rúa Xosé María Cao, en Cervo. O rexedor indicou que os traballos consisten na reposición da vella rede de subministro -de fibrocemento- por unha canalización nova de PVC. A maiores, esta actuación abrangue tamén a construción dunha nova canalización das augas pluviais desta rúa “o que nos permitirá desconxestionar o caudal do saneamento xeral de Cervo” sinalou Villares.
Estes traballos estanse a facer ao amparo dun convenio subscrito o pasado ano 2010 entre o Concello de Cervo e a Xunta de Galicia por valor de 209.767 euros no que se recollían distintas obras de mellora nos abastecementos de auga do término municipal. Boa parte destes traballos xa foron realizados nos meses pasados, en concreto foron feitas obras de mellora nos abastecementos de Castelo, Lieiro, San Ciprián, Rueta e tamén noutros puntos do núcleo de Cervo.
“Os traballos teñen por obxecto actuar na mellora das infraestruturas básicas do noso municipio e perseguen dúas finalidades: Por unha banda, renovar boa parte das canalizacións de augas nas zonas que presentaban maiores problemas de avarías polo paso do tempo; e por outra, optimizar a calidade do servizo en puntos onde a rede adoecía de deficiencias” sinalou o rexedor. Villares salientou tamén o beneficio que suporá este investimento procedente da Xunta para os veciños do termino municipal e lembrou que a devandita actuación forma parte do programa de dotación e mellora de infraestruturas básicas que o Goberno local está a levar adiante nestes últimos anos e no que tamén se integran obras coma o abastecemento de auga compartida co concello de Burela ou os saneamentos de San Ciprián, Cervo ou a Senra. “Todas estas actuacións suman un importante esforzo inversor das distintas administracións implicadas neste tipo de obras. Dende o Concello continuaremos traballando paso a paso ata conseguir dotar e modernizar tódolos recunchos do noso concello deste tipo de infraestruturas básicas para o desenrolo do noso municipio” indicou.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
