Nota de prensa:
AS GALEGAS GOLEAN A CASTELA-A MANCHA (2-11)
As galegas golearon hoxe a Castela-A Mancha (2-11), na segunda xornada do Campionato Nacional de Seleccións Territoriais, cun xogo doado e numerosísimas ocasións. A burelista Lidia contribuíu á perfecta finalización irmandiña co terceiro tanto.
Aos 4 minutos Marta abriu ou marcador para Galicia. Cun claro dominio irmandiño, o segundo fíxose esperar ata o 11, que enseguida se converteu no 0-4. Esta vantaxe desencadeou nunha certa relaxación nas filas galegas, que encaixaron o primeiro tanto das manchegas. Buscando unha contra, o equipo de María Bardanca certificou a través de Ana o 1-5, resultado co que chegou o descanso.
A segunda parte comezou sorprendendo a selección manchega cun gol de Leticia. Con todo, Ana tomou o desquite por catro veces consecutivas; no minuto 26 o electrónico xa reflectía un 2-9 para Galicia. Co partido pechado e con moitos minutos por diante a selección irmandiña decidiuse a facer un xogo práctico. Na recta final, de novo Ana e Sara sentenciaron ou triunfo por goleada.
A escuadra de María Bardanca disputará o último encontro da primeira fase, ante a anfitrioa Andalucía, mañá a partir das 19.00 horas.
Selección Infantil. Os xogadores infantís da ED EON Burela FS Renato Lopes e Christian García foron reclamados polo combinado galego para un novo adestramento, esta tarde en Teixeiro.
Ficha técnica
Castela-A Mancha: Sandra, Cris, Miri, Patri e Carmen, no cinco inicial; tamén xogaron M. Ángeles, Laura, María, M. José, Leti, Ici e Mori.
Galicia: Sara, Marta, Ana, Lucía e Erika, non cinco inicial; tamén xogaron Vanessa, Iria, Lidia, Sara, Lucía, María e Iria.
Goles: 0-1, minuto 4, Marta; 0-2, minuto 11, Vanessa; 0-3, mintuo 11, Lidia; 0-4, minuto 12, Iria; 1-4, minuto 15, Carmen; 1-5, minuto 19, Ana; 2-5, minuto 21, Leticia; 2-6, minuto 22, Ana; 2-7, minuto 25, Ana; 2-8, minuto 15, Ana; 2-9, minuto 26, Ana; 2-10, minuto 36, Ana; 2-11, minuto 38, Sara.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
