Nota de prensa
O BNG DE FOZ ANIMA Á MANIFESTACIÓN DO DOMINGO EN DEFENSA DAS CAIXAS GALEGAS
O BNG estivo no mercado semanal informando sobre a situación crítica de Galiza e a necesidade de reaccionar
Foz, 8 de marzo de 2011.- O BNG de Foz estivo este martes no mercado da vila repartindo folletos informativos sobre a manifestación deste domingo, 13 de Marzo, ás 12 horas en Santiago baixo o lema “Galiza ten Dereito. En defensa do Aforro, o Emprego e o País”. Unha manifestación aberta ao conxunto da sociedade que pretende ser a expresión da dignidade deste País e da vontade da sociedade galega de conquistar o seu dereito a vivir e producir nesta terra.
Para o BNG, Galiza atravesa unha situación de emerxencia nacional. Desde que goberna Feijóo, o noso País lidera a destrución de emprego no conxunto do Estado, até chegarmos a un máximo histórico de 245.000 paradas e parados, produto do acoso ao que están sometidos os sectores produtivos básicos da nosa nación (desde o enerxético até o financeiro pasando polo lácteo, o naval e o complexo mar-industria). É o produto da acción combinada de dous gobernos, o Goberno do Estado en mans do PSOE e o Goberno galego en mans do PP.
A situación é crítica porque está en xogo o noso aforro, coa ameaza da privatización da caixa galega, o emprego -con ausencia de políticas que activen os sectores produtivos- e o propio País, coas súas competencias exclusivas postas en cuestión polo Goberno do Estado.
E ante esta situación, o Goberno galego nin fai nin propón nada, dirixido por un presidente, o Sr. Núñez Feijóo, que está a demostrar a súa incompetencia e que non dá a talla ante a gravidade dos problemas que enfrontamos como País.
Podemos perder o aforro galego -lembremos que a caixa que o Goberno PSOE quer privatizar, sen resistencia por parte da Xunta, concentra máis do 50 por cento dos depósitos das galegas e dos galegos- e podemos perder tamén a suficiencia enerxética, de se aplicar até as últimas consecuencias un Decreto do Carbón -votado conxuntamente por PSOE e PP- que pode levar a que Galiza pase de ser unha potencia excedentaria a ser un País dependente en materia enerxética.
E ao mesmo tempo que o aforro e a enerxía están en perigo, arredor de 1.500 explotacións leiteiras pecharon desde que o PP goberna a Xunta, a UE continúa decretando desguaces para a frota pesqueira galega, o sector da conserva está en risco e o naval ten a súa capacidade produtiva baixo mínimos.
Por iso o BNG convida a todos os veciños de Foz a acudir a esta manifestación para a que se disporá de autobuses, chamando para a reserva ao número 982 140 654.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
