Nota de prensa
EN REMOURELLE DAN COMEZO HOXE OS TRABALLOS DE REBACHEO DE PISTAS E CAMIÑOS DE TITULARIDADE MUNICIPAL, QUE SEGUIRÁN NOS VINDEIROS DÍAS POR OUTRAS PARROQUIAS E POLA VILA. FERNANDO SUÁREZ SUBLIÑOU QUE “MENTRAS OUTROS LOCEN ANUNCIOS XA REALIZADOS POLA XUNTA, NÓS ACTUAMOS”.
Ribadeo, 8 de marzo de 2011. En Remourelle dan comezo hoxe os traballos de rebacheo de pistas e camiños de titularidade municipal, que seguirán nos vindeiros días por outras parroquias de Ribadeo e pola vila. O investimento ascende a 50.000 euros. O alcalde, Fernando Suárez, subliñou que “mentras outros locen anuncios xa feitos pola Xunta hai tempo, nós actuamos”.
O rexedor anunciou que “desde o Concello de Ribadeo licitamos e adxudicamos a execución de obras de rebacheo en diferentes camiños e pistas de titularidade municipal, que se atopan bastante deteriorados moitas veces por mor destas chuvias tan importantes e destes acontecementos climatolóxicos do inverno, que sempre provocan un destrozo das pistas que é necesario ano tras ano rebachear e actuar con coidado para que non se poñan peor”.
Suárez Barcia contou que “estamos actuando en casi todas as parroquias do interior e da costa, así como tamén en varias rúas do casco urbano. Estes traballos suporán un desembolso duns 50.000 euros. E a diferencia dalgún outro candidato que estes días anda por aí lucindo anuncios, que xa anunciara hai varios meses o propio conselleiro da Xunta, sen que se vexa por ningún lado actuación algunha e seguramente que nos vindeiros días tampouco empezarán eses traballos, que desde o Concello pedimos por unanimidade de todos os grupos hai meses, nós a diferencia doutra xente non vendemos motos, nós actuamos. E boa proba delo é que as máquinas hoxe están a traballar no lugar de Remourelle na parroquia de Arante e irán a continuación polo resto de parroquias tanto do interior como da costa”.
O alcalde de Ribadeo pide disculpas “aos veciños por ternos demorado ata que mellorou o tempo, pero é necesario porque non se pode rebachear en determinacións condicións nas pistas e quero pedir disculpas tamén porque seguramente molestemos e terán nalgúns casos que facer desvíos dos seus traxectos cos vehículos, pero durante estas actuacións debemos manter a seguridade pública”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
