Nota de prensa
NA VINDEIRA XUNTANZA DA MESA TÉCNICA DA VIOLENCIA DE XÉNERO DO CONCELLO DE BURELA SERÁ ELABORADO O PROTOCOLO DE COORDINACIÓN MUNICIPAL, SEGUNDO VEN DE ANUNCIAR NEVES CANDO.
Burela, 11 de marzo de 2011. Na vindeira xuntanza da mesa técnica da violencia de xénero do Concello de Burela será elaborado o protocolo de coordinación municipal, segundo ven de anunciar a concelleira de Benestar Social, Neves Cando.
A edil nacionalista explicou que “onte tivo lugar no salón de plenos unha nova xuntanza da mesa técnica de coordinación de violencia de xénero do Concello de Burela. De dita mesa forman parte, ademáis dos corpos e forzas de seguridade tanto nacional, como autonómica e local, representantes dos sectores sanitarios do Hospital da Costa e do centro de saúde, dos centros educativos do noso pobo e dos servizos sociais e do CIM de Burela”.
Neves Cando sinalou que “despois da primeira reunión de constitución que mantivemos a finais do ano pasado agora tratábase de analizar distintos protocolos de actuación coordinada, que xa están a funcionar noutros concellos de Galicia, para sentar as bases do protocolo que pretendemos implantar en Burela”. No encontro de onte analizaron “o protocolo de intervención en casos de violencia doméstica e violencia de xénero detectados nos centros educativos, tanto en evidencias como en sospeitas de malos tratos con respecto ao alumnado e a mulleres. E completamos un organigrama de intervencións e derivacións cara os servizos sociais municipais. Tamén fixemos o mesmo de cara á situación real de atoparnos directamente coa víctima desta violencia e os pasos a seguir no seu tratamento hospitalario, si fose preciso, e o seu tratamento xudicial”.
A concelleira de Benestar Social engadiu que “pola súa parte os servizos sanitarios aportarán para a vindeira reunión as posibilidades de adaptación dos seus propios protocolos internos de cara a intervencións externas dos servizos sociais municipais ou os servizos se seguridade local. Tamén desde o Concello traballaremos nunha proposta de actuación coordinada cos distintos axentes implicados municipalmente, Policía Local, CIM e os servizos sociais”. Neves Cando dixo que “con todas estas actuacións sectoriais, por separado e despois unificadas nun organigrama municipal completo, para a próxima xuntanza desta mesa técnica elaboraremos xa o noso propio protocolo de coordinación municipal” e contou que “tamén se tratou neste encontro de onte a posibilidade de que os centros de ensino de Burela soliciten, ademáis das actividades que lles ofrecemos desde os nosos servizos sociais e do CIM, as actividades educativas do plan director para a convivencia e mellora da seguridade escolar, que levan a cabo os corpos e forzas de seguridade do Estado”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
