Fai uns meses Os Reises, non os magos senón os Borbóns, presidiron a inauguración da liña de Alta Velocidade (AVE) entre Madrid e Valencia. Na capital valenciana (iso non o informou ningún medio do que eu teña constancia), esperáballes un grupo de traballadores berrando “menos AVES e máis rexionais”, “por un ferrocarril público e social” ou “que quiten as pensións aos Borbóns”, todo iso fronte ao afeito despregamento policial.
Segundo a información encol desta novidade de “Novos Ricos” de tren que corre moito e para en poucos sitios as liñas de alta velocidade son utilizadas polo 2% da poboación; con todo reciben o 87% do investimento, mentres que ao ferrocarril que utilizan a xente de a pe só destinan o 13% do orzamento, “a pesar de ser o utilizado polo 98% dos usuarios”. Conclusión: Están desenvolvendo a gran velocidade -nunca mellor devandito- quilómetros para trens exclusivos para ricos.
Os medios de comunicación, cantan eufóricos que España é o país que ten máis quilómetros de alta velocidade en Europa. Os mandamases galegos e o ministro de Lugo, falan dia si a dia tamén do “maná” que vai traer o AVE para Galicia, cousa que eu non vexo nada craro, ademais como agora non temos cartiños frescos, que como San Pablo, caemos do burro e empezamos a decatarnos que somos pobres, temos que pedirlles prestados os cartiños a fondos de inversión chineses ou árabes, para acabar o xoguete de Pepe Blanco e Feijóo.
O AVE é un medio de transporte deseñado para unir grandes cidades, en competencia co avión, con escasas paradas intermedias. Desta forma marxina, incomunica e exclúe ás zonas rurais e cidades medias potenciando o seu abandono e favorecendo os procesos de concentración e expansión urbana en escasos puntos fortes do territorio. Deixará sen comunicación por ferrocarril a moitas poboacións que agora a teñen.
Ten un altísimo custo económico e escasa utilidade social – A construción das novas liñas de Alta Velocidade suporá un malgasto de recursos públicos (6,8 billóns de pesetas orzados ata 2010) totalmente innecesario que haberemos de pagar entre todos e todas e que non está xustificado por ningunha utilidade social ou económica, cando hai necesidades moito máis perentorias nos ámbitos sanitarios, educativo, de protección social, etc. Basta dicir que cada quilómetro de AVE ten un custo medio ao redor dos 2.000 millóns de ptas ou que un hospital medio e moderno costa o mesmo que un dos 27 km do túnel de Guadarrama previsto.
Provoca a desaparición do ferrocarril como servizo público – Non hai un plan de transporte ferroviario que contemple a mellora e modernización da rede ferroviaria actual (incluídas as liñas pechadas desde o 84. Os proxectos son megalómanos (non se están construíndo en ningures do mundo vías para circular a esas velocidades de 350 km/h como aquí), apróbanse por motivos electorais e tras eles os únicos beneficiarios que se albiscan son as grandes construtoras que os levan a cabo. O seu “aforro de tempo” non xustifica o enorme custo de construción e o seu prazo de posta en servizo é longuísimo.
Otero Regal
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
