Nota de prensa
Nota de prensa
O PSOE de Foz pídelle a Balseiro que esixa á Xunta a mesma celeridade na VAC que lle reclama a Blanco no corredor
Os socialistas agradecen o compromiso do Ministro de Fomento, José Blanco, coa nosa comarca, “cada vez que anuncia unha nova visita á Mariña é para traer boas noticias”
Os socialistas de Foz pídenlle ó secretario xeral dos populares lucenses, José Manuel Balseiro, que ó igual que esixe ó Ministro de Fomento compromiso e celeridade co tramo do corredor da costa Barreiros-San Cibrao, lle reclame esa mesma responsabilidade ó presidente da Xunta de Galicia, Alberto Núñez Feijoo, coas obras que lle competen da Vía de Alta Capacidade.
Dende a Agrupación Socialista de Foz recordan que “o Goberno non ten olvidado o treito de corredor no que ten competencias, Barreiros- San Cibrao, por se non están ben informados, o proxecto está en fase de estudo de impacto medioambiental, mentras que a Xunta de Galicia sí ten olvidada a Vía de Alta Capacidade. Os únicos treitos nos que se ve algo de movemento son, San Cibrao-Viveiro e a variante de Ortigueira, obras que xa deixara licitadas o anterior goberno bipartito. O actual, que preside Núñez Feijoo, o único do que se preocupou foi de retrasar a execución das obras ata o ano 2017”.
Blanco, comprometido coa Mariña
Asimesmo, os socialistas amosan o seu agradecemento a José Blanco porque “cada vez que anuncia unha nova visita á Mariña é para traer boas noticias. A última vez, a apertura dun novo tramo da Autovía do Cantábrico e agora, a inauguración dun novo espazo de valor paisaxístico no entorno do río Ouro e da recuperación integral da ponte vella de Fazouro”. E engaden “non así, Núñez Feijoo veu presentar ó candidato popular para Foz, veu inaugurar a nova ETAP de Cervo e Burela, que por certo, foi unha obra xa comprometida polo bipartito, e sempre vén coas mans nos petos. Segue sen facer realidade as súas promesas, non lle interesa falar da residencia de maiores nin, por exemplo, do dragado do noso porto. Demostra unha e outra vez o pouco interese e esforzo que ten pola nosa comarca e, en concreto, polos veciños de Foz”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
