Nota de prensa
A Deputación redistribúe ós seleccionados do Lugo Emprega de Lourenzá pese ó Alcalde e ós Concellos limítrofes do PP
– As 7 persoas, que legalmente superaron o proceso selectivo, traballarán en Foz, Mondoñedo e Riotorto, logo de que Barreiros e Trabada rexeitasen a súa admisión
– A Xunta de Goberno aprobará este venres dito reparto para que os sete seleccionados estén a pleno rendemento a vindeira semana
– O organismo provincial tomou este acordo unha vez concluído o prazo concedido ó Alcalde para que reconsiderase a súa postura e aceptase ós operarios seleccionados
O Presidente da Deputación, José Ramón Gómez Besteiro, recibiu este martes no Pazo de San Marcos, ós 7 traballadores de Lourenzá que superaron o proceso selectivo do programa Lugo Emprega, co que a institución luguesa reduciu o paro na provincia, creando 711 novos empregos. Gómez Besteiro, xunto co xefe de Persoal e técnicos de Recursos Humanos, explicoulles ós beneficiarios os lugares de destino nos que a vindeira semana comezarán a traballar realizando tarefas de mantemento e mellora de servizos municipais.
A Deputación tomou o acordo de reorientar os beneficiarios ós Concellos limítrofes, unha vez concluído o prazo de 48 horas concedido polo organismo provincial ó Alcalde para que reconsiderase a súa postura e aceptase ós operarios seleccionados. Neste senso, Gómez Besteiro, subliñou que “o traballo que fagan vai a redundar noutros Concellos. Ó final cando un Alcalde provoca que os seus veciños se sintan discriminados, isto é difícil de entender. Nós sabemos cal é nosa responsabilidade adoptada pola Comisión de Goberno, que non o Presidente, para distribuílos a outros municipios colindantes, porque o lóxico é que traballen nos lugares que lles quedan máis cerca. Por tanto, esto pasa de ser noticia a ser un feito ordinario que redundarán no beneficio dos Concellos limítrofes”.
Aceptaron todos menos os do PP
O pasado venres, logo de que a Xunta de Goberno aprobase a rescisión do convenio de adhesión ó programa e a proposta para contratación dos 7 traballadores, enviou un escrito ós municipios de Barreiros, Trabada, Foz, Mondoñedo e Riotorto para que no prazo de dous días comunicasen a súa decisión sobre a posible aceptación dos beneficiarios. Destes, todos confirmaron a súa admisión, agás os dous Concellos gobernados polo Partido Popular, Trabada e Barreiros, quenes rexeitaron a oferta da Deputación, producíndose unha situación totalmente única e de absoluta discriminación con estas persoas que, legalmente, conseguiron un traballo grazas á iniciativa do organismo provincial, á que se sumaron todos os Concellos menos o de Incio a pesar de que o Presidente provincial do Partido Popular, José Manuel Barreiro, ordease ós seus Deputados votar en contra do Programa no Pleno provincial de decembro.
Tendo en conta esta situación, a distribución, para a que se seguiron os mesmos criterios que foron empregados para a elaboración do Plan -proporcionalidade e o número de habitantes- queda do seguinte xeito: 4 para Foz, 2 Mondoñedo e 1 en Riotorto. A Xunta de Goberno aprobará este venres disto reparto para que os sete seleccionados estén a pleno rendemento no menor tempo posible.
Máis de 76.000 euros para a contratación
A xestión levada a cabo polo actual equipo de goberno permitiu que a Deputación puidese financiar con fondos propios esta iniciativa dotada con 8 millóns de euros, e en incrementar a débeda pública. En total, o organismo provincial, destina á contratación dos beneficiarios de Lourenzá 76.162 euros.
O programa ten un custe 0 para as entidades locais, de tal xeito que estas só teñen que aportar a roupa e o material; o que contribúe a aumentar a cooperación municipal e lles axuda a incrementar a prestación de servizos ós seus veciños. Nos 66 municipios, agás o de Incio que dende un principio renunciou á adhesión do Plan, rexistráronse 6.700 solicitudes, das que 2.407 corresponden ós Concellos de menos de 5.000 habitantes ou con menos de 500 parados e, o resto, ás entidades locais que superan esta cifra.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
