Nota de prensa
Gómez Besteiro supervisa o parque de bombeiros de Barreiros ante a súa posta en marcha o 1 de maio
– O Presidente salientou que “cando chegamos á Deputación atopámonos cun recinto sen auga, sen luz, sen equipamento e inaccesible pola maleza. Por iso, un dos nosos compromisos foi a posta a punto destas instalacións, así como a creación dunha rede provincial de bombeiros”
– Malia que o organismo provincial tivo que esperar durante meses a licenza de obras do Concello, logrou que o de Barreiros fose o 1º parque en estar totalmente equipado. Agora, espera o permiso de apertura do Goberno local
– Estas instalacións son as únicas que pertencen ó Consorcio tras a súa cesión por parte da Deputación. As de Viveiro, Vilalba, Sarria e Chantada seguen en posesión da Xunta sendo ó único trámite pendente
O Presidente do Consorcio Provincial de Bombeiros e da Deputación, José Ramón Gómez Besteiro, supervisou este xoves as instalacións do parque de bombeiros de Barreiros ante a súa vindeira posta en marcha o 1 de maio. Trátase dunha infraestrutura construída en 2004 pero que nunca chegou a abrir as súas portas debido á paralización dos traballos por parte do anterior goberno provincial. As actuacións levadas a cabo pola Deputación e posteriormente, a creación do Consorcio Provincial de Bombeiros impulsada polo organismo provincial e anterior Xunta, fixo que a día de hoxe, estas instalacións estén listas para o seu arranque á espera da licenza de apertura por parte do Concello.
Gómez Besteiro lembrou que “cando chegamos á Deputación atopámonos cun recinto sen auga, sen luz, sen equipamento e totalmente inaccesible pola maleza. Por iso, un dos nosos compromisos foi a posta a punto destas instalacións, así como a creación dunha rede provincial de bombeiros que rematase coa discriminación que sufría Lugo, a única provincia galega que non contaba cun servizo contraincendios. Grazas ó anterior Presidente da Xunta, que puxo en marcha connosco o Consorcio Provincial de Bombeiros, e o actual Goberno galego, que soubo proseguir co proxecto, en pouco máis dun mes as instalacións de Barreiros, xunto ás de Viveiro e Vilalba darán cobertura ó 100% da zona norte da provincia”.
O titular provincial fixo estas declaracións acompañado pola Vicepresidenta Segunda, Lara Méndez, os Alcalde de Barreiros, Alfonso Fuente; Foz, José María García; Ribadeo, Fernando Suárez; A Pontenova, Daría Campos; Viveiro, Melchor Roel; Mondoñedo, Orlando González; Burela, Alfredo Llano; Lourenzá, Vidal Martínez; así como a Delegada Territorial da Xunta, Raquel Arias e o Director Xeral de Emerxencias e Interior da Consellería de Presidencia, Santiago Villanueva.
Actuacións realizadas
Mentres esta Deputación esperou durante meses a licenza de obras por parte do Concello de Barreiros, levou a cabo os traballos de remozado e pintura das paredes do inmoble, así como outros labores de pequena envergadura. Unha vez que o Goberno local accedeu á concesión dos permisos necesarios, o organismo provincial puido executar as obras de abastecemento de auga, subministro eléctrico, ademais das de acceso e peche da parcela.
Con estas actuacións, xunto á adquisición dos vehículos e o equipamento interno, -actuacións competencia do organismo provincial xa que á Xunta correspóndelle a construción dos parques-, a Deputación logrou que o parque de Barreiros fose o primeiro en estar totalmente equipado. Isto supuxo un investimento de máis de 1,3 millóns de euros, dos cales preto de 500.000 euros foron aportados exclusivamente pola institución provincial, e o restante polo Consorcio é dicir, 50% Deputación e 50% Xunta.
Deste xeito, logo da cesión da Deputación ó Consorcio dos vehículos adquiridos, no seu interior xa se atopan 1 camión bomba de altura, 1 camión nodriza, 1 camión BUL, e 1 vehículo de mando. Asimesmo, o parque de Barreiros era o único que estaba en posesión da Deputación e agora, tamén é o único que pertence ó Consorcio, xa que o organismo provincial cedeu estas instalacións ó órgano integrado pola Xunta e a institución lucense. Nembargantes, os parques de Viveiro, Vilalba, Sarria e Chantada seguen en mans do Goberno galego. Neste senso, Besteiro reclamou á Xunta celeridade nos seu trámites, xa que esta é a única cuestión que queda por pechar para garantir a posta en marcha da rede provincial de bombeiros o 1 de maio.
22 novos empregos
A posta en marcha do parque de Barreiros supón ademais a incorporación laboral de 22 persoas que o vindeiro 26 de abril rematarán o proceso de 400 horas de formación estando preparados para comezar a súa actividade. Co obxectivo de reforzar a cobertura contraincendios, o Consorcio incrementou en 2, no caso de Barreiros, o número de postos de emprego con respecto á previsión inicial.
Estas instalacións, xunto ás de Viveiro e Vilalba, dará cobertura ós seguintes Concellos: Abadín, Alfoz, Barreiros, Burela, Begonte, Cospeito, Cervo, Foz, Guitiriz, Lourenzá, Mondoñedo, Muras, O Valadouro, O Vicedo, Ourol, Outeiro de Rei, Pastoriza, Rábade, Ribadeo, Riotorto, Trabada, Vilalba, Viveiro, Xermade, e Xove.
O ámbito territorial adscrito terá independencia da súa actuación profesional se fose necesario fóra dos límites do mesmo: a nivel comarcal, provincial, ou mesmo autonómico. A prestación do servizo para toda a provincia incluirá: incendios, inundacións, accidentes de circulación, rescates, salvamento, actividades de prevención, etc.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
