NOTA DE PRENSA
A Deputación estrea o seu blog recadando fondos para Xapón a través de Cruz Vermella Internacional
– Abriu unha conta bancaria en Novacaixagalicia para enviar axuda ó país nipón, que, tralo devastador terremoto e o posterior tsunami, corre un risco cada vez maior de catástrofe nuclear. A Deputación achegará 6.000 euros
– No blog informarase das principais noticias da provincia e das novidades da Deputación, pero sobre todo servirá para escoitar a opinión dos cidadáns e manter contacto directo con eles
– O organismo provincial tamén estará presente nas principais redes sociais, como Facebook e Twitter, consolidando así a súa aposta por Internet e as novas tecnoloxías e achegándose ás inquietudes e intereses dos lucenses
A Deputación de Lugo estreou este xoves o seu blog en Internet poñendo en marcha unha iniciativa solidaria co fin de enviar axuda a Xapón a través da ONG Cruz Vermella Internacional. Para elo, abriu, unha conta bancaria en Novacaixagalicia co seguinte número: 2091-0163-47-3110060625. Baixo o concepto de: “Axuda a damnificados do terremoto e tsunami de Xapón”, os cidadáns poden ingresar fondos en calquera oficina da caixa galega e axudar así a un pobo que, tralo devastador terremoto e posterior tsunami do pasado venres, que se levou por diante poboacións enteiras e causou cerca de 15.000 mortos e desaparecidos, vive agora un risco cada vez maior de catástrofe nuclear debido ós graves problemas nos reactores da central de Fukushima. O organismo provincial, que achegará 6.000 euros, responde a un sentir da cidadanía que desexa axudar a Xapón, pero que se encontra con que as administracións públicas a penas teñen a día de hoxe artellados mecanismo para facelo.
A dirección do blog do Deputación e http://blog.deputacionlugo.org aínda que tamén se pode acceder dende a propia páxina web da Deputación: www.deputacionlugo.org Nel, figura toda a información sobre esta iniciativa e como facer para colaborar. Coa apertura do blog, a Deputación estrea de xeito paralelo a súa presenza nas principais redes sociais, unhas accións que consolidan a aposta da institución por Internet e as novas tecnoloxías e coas que pretende crear unha comunidade interactiva que facilite a comunicación entre os veciños da provincia.
O blog configurouse como un espazo innovador e vangardista para informar das principais noticias que acontecen na provincia de Lugo, das novidades referentes á Deputación, pero, sobre todo, servirá para escoitar a opinión dos cidadáns e conversar con eles de forma natural e instantánea. Os diferentes artigos publicados, clasifícanse temática e cronoloxicamente. O deseño da páxina adáptase e respecta a liña xa iniciada noutros proxectos punteiros de Administración Electrónica, caracterizándose pola accesibilidade e interacción cos usuarios.
Redes sociais
A estratexia dixital da Deputación compleméntase cunha activa presenza nas principais redes sociais, como Facebook, a máis popular en España e na que teñen conta máis de 120.000 lucenses. A dirección da páxina que a institución mantén nesta plataforma é: http://facebook.com/deputacionlugo. Tamén en Twitter, o popular sistema de “microblogging” que permite compartir información de forma instantánea e conversar cos usuarios da rede por medio de mensaxes de tan só 140 caracteres. Así o fai xa o usuario @dipulugo, que no seu primeiro día de existencia xa contou con 22 seguidores.
As accións na Rede complétanse cunha galería de imaxes en Flickr, a coñecida rede social de fotografía na que se publican numerosos arquivos que mostran os atractivos turísticos da provincia, así como as principais actividades impulsadas pola Deputación; un canal en YouTube, para os arquivos de vídeo; e unha páxina en Tuenti, que se estreará en breve e busca conectar tamén coa xuventude. A todos estes sitios web pódese acceder dende o blog.
Con estas actuacións, a Deputación accede a novas posibilidades de comunicación e coñecemento, estendendo os valores da provincia ó conxunto da sociedade española e contribuíndo, ó mesmo tempo, a aumentala participación cultural dos lucenses e ó coñecemento do seu patrimonio.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
