Nota de prensa
O BNG AGOIRA OUTRO GOLETAZO COS ANUNCIOS DO PP PARA O PORTO DEPORTIVO DE SAN CIBRAO
Os populares levan décadas comprometendo esta obra que aparece e desaparece en función do calendario electoral
O propio Balseiro desvela cunha iniciativa parlamentar as mentiras vertidas durante meses por el mesmo e o Pte. de Portos de Galiza Álvarez-Campana
Cervo, 18 de marzo de 2011. O BNG agoira outro “goletazo” co porto deportivo de San Cibrao á vista da iniciativa debatida na mañá de hoxe na Comisisón de Pesca, Acuicultura e Marisqueo onde o parlamentar e Tte. de Alcalde de Cervo, José Manuel Balseiro solicitaba á Xunta de Galiza a redacción dos estudos técnicos necesarios para a creación desta infraestrutura. Para os nacionalistas o propio Balseiro pon ao descuberto as mentiras vertidas durante meses tanto polo propio Balseiro como polo Pte. de Portos de Galiza, José Manuel Álvarez- Campana que anunciaron tanto nos medios comunicación como diante de veciños de San Cibrao que aseguraban estar xa traballando nuns estudos que aínda non foron realizados. A negativa de Balseiro a aceptar prazos para a súa execución xa non deixa dúbidas sobre a falsidade das promesas do PP.
Dende maio de 2010 a Xunta asegura que traballa nuns estudos que agora lles piden desde o propio grupo popular.
O portavoz municipal nacionalista, Xoán Estúa, acudiu á hemeroteca para lembrar que xa no mes de abril de 2010 o Pte. de Portos de Galiza acompañado do Sr. Balseiro, anunciaron nunha reunión con veciños no propio porto de San Cibrao que estaban realizando estudos para o porto deportivo de San Cibrao que se farían públicos no segundo semestre do ano, o mesmo anuncio fíxose en setembro do mesmo ano e comprometeuse para final de ano e recentemente volveuse facer o mesmo, anunciando a presentación “en breve”. Para Estúa a iniciativa de Balseiro pedindo agora a realización deses estudos “pon e evidencia que dende abril até hoxe tanto o Sr. Álvarez-Campana como Balseiro mentiron descaradamente ao pobo de San Cibrao que debería tomar boa nota”
O BNG esixiu compromisos reais con prazos que o PP non quixo aceptar.
O BNG presentou dúas emendas no debate parlamentar de hoxe esixindo compromisos reais “coa execución do proxecto de inmediato” e “ofreceu un acordo no que se incluíran prazos” que o representante do PP, José Manuel Balseiro non quixo aceptar. O BNG non vai acompañar ao PP nesta cerimonia da confusión e optaron pola abstención porqué “non imos dar un cheque en branco ao PP para que siga enganando aos veciños.” Para Estúa “fica claro que Balseiro perde credibilidade e volve ás andadas co porto de San Cibrao como fixeron os seus antecesores durante décadas”.
Balseiro non aprende e está disposto a enganar aos veciños con “outro goletazo”
Para os nacionalistas estamos diante “doutro goletazo”, en referencia ao proxecto aparcado para a construción dunha goleta en San Cibrao que fora anunciado con reiteración para rematar finalmente paralizado. Estúa demandou ao PP “menos verborrea e mais compromiso real” e lembrou que “dende fai décadas o PP e antes AP ven reeditando anuncios sobre o porto de San Cibrao coincidindo co calendario electoral que xa non se cre ninguén.” Para o BNG “a Balseiro debería caérselle a cara de vergoña por ser veciño de San Cibrao e formar parte deste engano que xa se suma ao perpetrado coa famosa goleta.”
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
