Nota de prensa:
AS OBRAS DA PRAZA DOS CAMPOS ENTRAN NA SÚA RECTA FINAL
* O alcalde de Cervo, Alfonso Villares, dixo que os traballos de urbanización deste novo espazo público estarán rematados a vindeira semana
* Unha vez finalizada a urbanizción procederase á plantación de especies arbóreas e á dotación do mobiliario urbano e das zonas infantís e deportivas
Cervo, 19 de marzo de 2011.- O alcalde de Cervo, Alfonso Villares, indicou hoxe que os traballos de urbanización dos 6.470 metros cadrados da futura Praza dos Campos que se está facer no centro da vila de San Ciprián marchan a bo ritmo. O rexedor lembrou que esta actuación comezou en novembro pasado coas labores de adecuación deste espazo urbano. Posteriormente acometeuse en todo contorno e no subsolo da superficie a renovación das canalizacións de abastecemento de auga, as redes de saneamento de augas pluviais e fecais, o subministro eléctrico e a rede de telefonía. Ademais instaláronse tamén as canalizacións de subministro de gas cidade e de fibra óptica. “Deste xeito conseguimos por unha banda, renovar e dotar este espazo e ás vivendas do contorno de todos os servizos básicos e, doutra, garantimos que a praza estea libre de calquera cableado ou canalización” indicou o rexedor.
Unha vez rematadas as labores de dotación de infraestruturas básicas, os traballos continuaron coa urbanización e pavimentación da praza, “os cales están a piques de rematar” sinalou o alcalde. “Actualmente levase feito máis do 90% da urbanización da zona central da praza. Neste caso decantámonos por unha pavimentación que garanta que a praza non sufra desperfectos, dado que este espazo está pensado para que se poidan celebrar nel eventos públicos coma o mercado semanal, as festas ou outras celebracións, algo que conleva que teñan que acceder a ela vehículos pesados” puntualizou Villares.
PLANTACIÓN DE ÁRBORES
Unha vez finalizados os traballos de urbanización, a seguinte fase será dotar á praza de distintos tipos de árbores e plantas. Estas labores comezarán na vindeira semana e, segundo indicou o alcalde cervense, son variedades especialmente indicadas para esta zona polos especialistas en xardinería. “Trátase de especies cunha gran resistencia á salinidade e ó chan areoso, características propias da zona onde está ubicada a praza” lembrou o alcalde.
Unha vez se acometa a plantación das zonas arboladas só restará a colocación do mobiliario urbano e da instalación dos distintos aparatos e sistemas de seguridade das zonas deportivas e de lecer.
PROXECTO
O orzamento total para levar adiante este proxecto ronda o millón de euros (151.000 para a adecuación dos terreos e 846.546,25 para a urbanización da praza). O Concello de Cervo pretende así crear un novo espazo de lecer e esparexemento para tódolos veciños do municipio, que poderán desenvolver nel distintas actividades de ocio, así como outras ao aire libre como son o mercado semanal e as principais citas festivas. O financiamento dos traballos para a súa construción corren a cargo da Xunta de Galicia que asinou para este obxecto un convenio co Concello.
Deste xeito San Ciprián poderá contar cun novo espazo público na zona máis céntrica da Península da Paz. Con esta actuación veranse multiplicadas as zonas arboradas, as áreas de repouso e o número de prazas para o estacionamento de vehículos.
No proxecto construtivo destacan, pola súa importancia dentro do espazo da futura praza, as áreas destinadas a albergar actividades deportivas (unha cancha de xogo, cos laterais cubertos para evitar a perda de balóns), os espazos para o repouso (con mobiliario elixido con criterios estéticos, ergonómicos e funcionais) e dúas amplas zonas para os xogos infantís, as máis grandes de todo o termo municipal (separadas en función da idade de uso dos diversos aparatos de xogo), co seu perímetro balado e co chan adaptado para maior seguridade dos nenos, rodeada ademais por zonas verdes.
100% PÚBLICO E LIBRE DE EDIFICACIÓNS
O Goberno municipal traballa deste xeito para recuperar a personalidade dun espazo, que será cen por cen público, e cen por cen libre de edificacións, e que foi deseñado para que poida ser aproveitado para o seu uso cultural, deportivo, festivo e social. Ademais a praza dos Campos de San Ciprián disporá de elementos tales como ramplas, rebaixados e accesos amplos, que permitirán salvar os obstáculos arquitectónicos cos que habitualmente se teñen atopado persoas con mobilidade reducida ou discapacitados.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
