NOTA DE PRENSA.-
REMATOU A TEMPORADA DE BOLOS E XOVE COA CELEBRACIÓN DA VIIIª COPA DE BOLOS “CONCELLO DE XOVE”
O pasado sábado 19 DE MARZO tivo lugar na Bolera do Centro Social de Sumoas a ViIIª COPA DE BOLOS “CONCELLO DE XOVE”, competición coa que a Concellería de Cultura do Concello puxo punto final a temporada 2010-2011 de bolos. Despois disto, haberá que esperar ata o mes de outubro deste ano para comezar unha nova temporada.
A copa de bolos comezouse a celebrar no 2004 na Bolera do Centro Social de Lago, polo que ímos rotando a sé desta competición final, seguindo a mesma ruta da Liga anual; en principio esta edición tería que haberse celebrado no Centro Social de Morás, pero ao estar este pechado decideuse, de acordo coa totalidade dos xogadores, cambiala para o Centro Social de Sumoas. Polo tanto, a edición vindeira, a IXª, volverase a celebrar en Sumoas, xa que lle corresponde por orde de realización.
Esta Copa ten que ver tamén coa Liga recentemente finalizada, dado que se aproveitan os resultados da Liga para facer as parellas participantes. A Copa, a diferencia da Liga, xógase por parellas, tal como se facía de xeito tradicional. Para formar as parellas utilizamos as clasificacións finais da Liga de Maiores e da Liga Sub 18 da seguinte maneira: o primeiro clasificado da Liga de Maiores fai parella co último clasificado da Liga Sub 18, o segundo clasificado da Liga de Maiores fai parella co penúltimo da Liga Sub 18, e así ata o final. Este mesmo proceso realízase tamén para Iª Copa Feminina. Con isto preténdese que as parellas sexan o máis igualadas posibles, e ao mesmo tempo dámoslle a oportunidade de que os xogadores da Liga Sub 18 poidan xogar xunto (formando parella) aos das Ligas de Seniors (masculina e feminina), cousa que lles gusta moito e ademáis é unha unha motivación para eles.
En total disputaron a copa 28 xogadores na categoría masculina e 10 xogadoras na categoría feminina.
O cadro final de vencedores desta COPA DE BOLOS, quedou da seguinte maneira:
Es posible que tu navegador no permita visualizar esta imagen. VIIIª COPA DE BOLOS – CATEGORÍA MASCULINA (XOGADORES DA LIGA SENIOR E DA LIGA SUB 18)
CAMPIONS: parella formada por ANDRÉS RODRÍGUEZ RAMOS E BALBINO GARCÍA RIVEIRA
SUBCAMPIONS: parella formada por JOSÉ MANUEL COCIÑA RIVERA E FÉLIX MÉNDEZ GALDO
TERCEIROS: parella formada por MARCELINO RODRÍGUEZ ÁLVAREZ E JORDI MEITÍN SERANTES
Es posible que tu navegador no permita visualizar esta imagen. Iª COPA DE BOLOS – CATEGORÍA FEMININA (XOGADORAS DA LIGA SENIOR E DA LIGA SUB 18)
CAMPIONAS: parella formada por SALÓMÉ CARDOSO RODRÍGUEZ E LEONOR CASABELLA RODRÍGUEZ
SUBCAMPIONAS: parella formada por BELÉN MEITÍN ROUCO E Mª TERESA RAMOS FERNÁNDEZ
TERCEIROS: parella formada por CARMEN ROCA CORRAL E POR CARMEN MARTÍNEZ GARCÍA
Tódos eles recibiron trofeos de mans do Concelleiro de Deportes José Manuel Balseiro e do Concelleiro de Obras José Manuel González.
O Departamento Municipal de Cultura do Concello xa está a traballar na nova temporada (XXIIIª Liga, XIIª Sub 16 e IIIª Liga Feminina) 2011-2012, que vai comezar no Centro Social de Lago a mediados de outubro deste ano.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
