Nota de prensa:
O Panificadora endósalle 5-1 ao Carballiño e ve a luz da permanencia
Despois do minuto de silencio pola vítimas do Xapón, o Panificadora e O Carballiño iniciaron un encontro no que as dúas escuadras se xogaban moito e co que as ribadenses (5-1) se afastan ata seis puntos do seu rival máis directo e da zona de descenso.
Nin as locais nin as visitantes querían perder os tres puntos, pero foron as ribadenses as que máis arriscaron por achegarse á portería contraria. Así, no minuto 9, Nuria conseguiu o 1-0 nun tiro axustado ao pau desde 12 metros. Tres minutos máis tarde, foi a excelente Vanessa quen subiu o empate, para decepción das locais, ao facerse cun balón nunha mala entrega dunha local. O 2-1 materializouno Arancha, no 15, ao rematar no segundo pau e un bo pase de Nuria logo dunha xogada persoal.
Tras o descanso, Marta deu tranquilidade ás locais poñendo o 3-1 no luminoso (minuto 31). Este gol minguou as ilusións das carballiñesas vendo como se lles escapaban as poucas opcións de loitar pola permanencia e facilitou ás ribadenses o control do partido, dominio que deu os seus froitos no minuto 36 por mediación de Sofía e de novo Nuria, no 39, rubricou o 5-1 definitivo.
O Panificadora desprazarase a Ames na próxima xornada para enfrontarse ao FC Meigas, coas esperanzas de retornar cun resultado positivo ante outro dos equipos da zona baixa da táboa.
Provincial feminina. O Xoula-Ribadeo FS tamén deu un paso de xigante para achegarse ao terceiro posto, ao vencer por 0-2 ao Relúa FSF de Xermade. O equipo mariñán ten pendentes tres partidos aprazados no seu día, co FSF A Pastoriza en Ribadeo e ante o Concello de Friol e Donapel Monterroso como visitante.
Provincial masculina. O Ribadeo FS conseguiu unha importante vitoria (3-4) na súa visita a Becerreá, quinto clasificado, e aproxímase aos postos de ascenso. Na próxima xornada recibirá o Taboada nun encontro que, teoricamente, non deberá ser complicado para os locais.
Ficha técnica
Panificadora del Eo-Ribadeo FS: Carla, Eva, Marta (1), María e Fátima, cinco inicial; tamén xogaron Nuria (2), Arancha (1), Toñi e Sofía (1).
O Carballiño FS: Chus, Vanessa (1), Noelia, Jeannette e Paula, cinco inicial; tamén xogaron Sonia, Nerea Nogueira, Nerea Carballeda, Vanesa Méndez e Soraya.
Árbitros: José García Vila e Antón Menéndez Nistal. Mostraron cartón amarelo a María, do Panificadora.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
