Nota de prensa:
A Deputación aforrou no que vai de mandato 2 millóns de euros ós Concellos co novo sistema de recadación
– Antonio Gato anuncia que o organismo provincial adiantará este ano preto de 21 millóns de euros ós 53 municipios que teñen delegada a recadación de impostos
– Trátase dunha medida que puxo en marcha o actual equipo de goberno en 2008, e que lle permite ás entidades locais ter unha maior liquidez
– A Xunta de Goberno aproba obras en 5 Concellos por valor de máis de 1 millóns de euros coas que manterá preto de 60 postos de traballo
A Deputación adiantará este ano 20,8 millóns de euros ós 53 municipios que teñen delegado no organismo provincial a cesión de recadación de impostos (urbana, rústica, IAE –Imposto sobre Actividades Económicas-, ICV –Imposto de Circulación de Vehículos-, taxas de auga e lixo, sumidoiros e antenas parabólicas. Precisamente a Xunta de Goberno deste vernes aprobou o convenio co entidade financieira Nova Caixa Galicia para centralizar o pago dos tributos. Este ano adheríronse 3 Concellos máis: Sarria, Cervo e Pantón. Nos tres primeiros meses de ano, a Deputación xa adiantou máis de 4,2 millóns de euros.
Neste senso, Antonio Gato sinalou que “os Concellos entenderon que cantos máis sexamos máis eficientes podemos ser e, sobre todo, podemos reducir os custes. Estes adiantos permítenlles ter anticipos todos os meses. Isto supón para a Deputación un importante esforzo, xa que se lles transfire o 90% do previsto. Con esta iniciativa aumentámoslles as posibilidades de planificar con máis rigor o gasto corrente, asegurándolles, por exemplo, o pago de nóminas”.
As bases do novo sistema, que foran aprobadas por unaminidade polo Pleno en 2007 e que puxo en marcha o organismo provincial para aforrar cartos ós Concellos, rebaixan ata o 3% a porcentaxe que deberán aboar as entidades locais por este servizo. “Non pretendemos ter ingresos en función da taxa recadatoria. A demostración máis clara é que rebaixamos a taxa do 6 ó 4% e dende o ano pasado o 3%, co que aforrararemos 500.000 euros ós Concellos en 2011, que se suman ó 1.500.000 das tres anualidades anteriores”. É dicir, co novo sistema provincial de recadación aforramos ós Concellos nestes catro anos 2 millóns de euros.
Esta rebaixa de 3 puntos por debaixo do custe anual é consecuencia da boa xestión levada a cabo polo actual equipo de goberno, e tradúcese en novos ingresos para os Concellos. En 2008, os municipios adheridos foron 44, en 2009 48, en 2010 50 e, en 2011, 53. Son os seguintes: Abadín, Alfoz, Antas de Ulla, Baleira, Barreiros, Becerreá, Begonte, Bóveda, Carballedo, Castroverde, Cervantes, Folgoso do Courel, Fonsagrada, Xermade, Guntín, Xove, Láncara, Lourenzá, Meira, Monterroso, Muras, Navia de Suarna, Baralla, Ourol, Palas de Rei, Paradela, Páramo, Pastoriza, Pedrafita do Cebreiro, Pobra de Brollón, Pontenova, Pol, Portomarín, Quiroga, Ribadeo, Ribas de Sil, Ribeira de Piquín, Riotorto, Samos, Rábade, Saviñao, Sober, Taboada, Trabada, Triacastela, O Valadouro, O Vicedo, Vilalba, Castro de Rei, Mondoñedo, O Saviñao, Sarria, Pantón e Cervo.
Novas obras e máis emprego
Asimesmo aprobáronse 5 novas obras en Viveiro, Ribas de Sil, Becerreá e Foz por valor de 1.051.540 euros. Coa execución destas actuacións, a Deputación axudará a manter 56 postos de traballo, que se distribúen do seguinte xeito:
– 20 empregos na dotación de servizos de saneamento e de abastecemento nas localidades de Caserío, Pallaregas, Granxas e Trasposta, en Viveiro. Trátase das dúas primeiras actuacións previstas neste município dentro do convenio do Plan Extraordinario de Obra Pública. Teñen un investimento de 220.000 euros.
– 22 coa construción do campo de tiro de Becerreá e do campo de fútbol de Foz, incluídos tamén no convenio de 1 millón de euros do mesmo plan na que se inclúe a actuación de Viveiro citada anteriormente. As dúas infraestruturas contan cun orzamento de 595.760 euros
-16 coa ampliación da Casa do Concello e Ribas de Sil. Neste caso, o investimento de 235.780 euros, e inclúese dentro do canon.
Outros acordos da Xunta de Goberno
Tamén se deu o visto e prace ós tres novos proxectos europeos que solicitará a Deputación ó Ministerio de Política Territorial e que suman 28,4 millóns de euros dos que a Unión Europea aportará o 70%, 20.368.600 euros, e a Deputación, o 30% restante, 7.980.400 euros. Trátase de “Pacto polo Emprego”, segunda parte de “Lug02”, e “Innova-TE 2”. Dan continuidade ós xa acadados en 2008, polo que o organismo provincial aumentará a implantación das novas tecnoloxías da provincia aplicadas ó benestar social, favorecerá a creación de emprego nas profesións con máis futuro e seguirá apostando polo medio ambiente como unha oportunidade económica.
Asimesmo, aprobáronse 34 contas xustificativas do Plan de Comunidades Veciñais de 2010 por valor de 390.837 euros, dos que a Deputación achega 270.239 euros. Pertencen ós Concellos de Portomarín (5), Ribas de Sil (5), Palas de Rei (3), Saviñao (3), O Corgo (2), Muras (2), A Pastoriza (2), Vilalba (2), Chantada, Folgoso do Courel, Foz, Guitiriz, Lourenzá, Meira, Begonte, Pantón, Pol e Samos.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
