Nota de prensa
DEAS PARA A INTERVENCIÓN DE FERNANDO NO ACTO DE PRESENTACIÓN DA CANDIDATURA.
Hoxe, sábado 26 de marzo, co labor xa feito, eu, Fernando SUÁREZ BARCIA, no meu nome propio e no dos meus compañeiros de goberno, Mari Luz, Vicente e Horacio, presentámonos ante a sociedade ribadense para mostrarlles a candidatura coa que nos presentamos ás vindeiras eleccións do 22 de maio de 2011.
E podemos facelo coa satisfacción de termos realizado os nosos principais proxectos e co orgullo de telo dado todo na nosa dedicación ao pobo de Ribadeo ao longo destes catro anos. Con ilusión, honradez e a experiencia acumulada, soubemos poñer en práctica a cultura do acordo mostrando a nosa disposición ao diálogo con todas aquelas persoas, asociacións, grupos, institucións, organizacións políticas e empresariais que puideran aportar algo á mellora da vida de Ribadeo.
O noso programa de goberno para estes catro anos cumpriuse nunha porcentaxe moi alta. É ben certo que en tempos tan difíciles como os que nos está tocando vivir nada é suficiente para procurar mellorar as difíciles condicións polas que está a pasar moita xente. Pero non se nos pode negar o empeño posto e os resultados acadados.
Puxemos en marcha o saneamento das contas municipais e logramos unha administración máis eficaz, así como dinamizar a economía local con proxectos anovadores no eido da promoción turística. Á hora de levar a cabo as importantes inversións realizadas ao longo deste últimos anos no noso concello sempre velamos para que estas repercutiran o mellor posíbel nas empresas da zona.
Pero a nosa maior preocupación foi a xente: por iso levamos a cabo iniciativas destinadas a preservar e mellorar o noso contorno natural e histórico, buscamos solución aos problemas medioambientais que herdamos e melloramos as condicións de vida nas nosas parroquias dotándoas de mellores infraestruturas.
Apostamos polo noso futuro, os nosos pícaros e pícaras, apoiando as actividades extraescolares dos centros de ensino, a nosa Escola Municipal de Música e Danza e a actividade deportiva. A nosa actividade cultural é un referente na Mariña lucense e no Occidente astur.
Pero tamén soubemos render homenaxe aos nosos maiores con actividades variadas para que puideran continuar coa súa formación como persoas. Ademais, aquelas xentes con problemas recibiron o noso apoio cun programa de atención a domicilio (no que se incluíu tamén o “Xantar sobre rodas”).
Por suposto que seguimos a ter ideas e proxectos de futuro, pero tamén temos demostrado capacidade de xestión e habilidade suficiente para saber levar á práctica o noso programa de goberno. Coa mesma ilusión de hai catro anos, pero con novos folgos acumulados coa experiencia adquirida neste mandato, presentámonos ante toda a sociedade ribadense.
Querémoslles propoñer un novo acordo, unha nova proposta de traballo para, entre todas e todos, sacar adiante o noso concello. Temos aínda grandes retos por diante. Necesitamos o seu apoio para poder continuar co noso esforzo. Que estas eleccións non sexan máis ca un punto e seguido para continuar avanzando. Con máis forza poderemos facer realidade máis proxectos.
LISTA ELECTORAL DO BNG DE RIBADEO
PARA AS ELECCIÓNS MUNICIPAIS DO 22 DE MAIO DE 2011
1. Fernando Suárez Barcia
2. Mari Luz Alvarez Lastra
3. Vicente Castro Reigosa
4. Ana María Martínez Fernández
5. Horacio Cupeiro Rodríguez
6. María Teresa González Piñeiroa
7. Xavier Campos López
8. María Paz Ramil Maseda
9. Xóan Antón Monasterio López
10. Vanesa Yanes Rivas
11. Mario Pérez Teijo
12. María Ramona Trabada Fernández
13. Jorge Juan Fernández Ramos
Suplente 1º María Dolores García Docovo
Suplente 2º Xosé Luis Valea Fernández
Suplente 3º Rocio Díaz Mesa
Suplente 4º Antonio Vicente Vieites Rodríguez
Suplente 5º Paz Hermida Iglesias
Suplente 6º José Antonio Ramil Acebo
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
