Nota de prensa
O CONCELLEIRO DE DEPORTES ASEGURA QUE CERVO PUXO A DISPOSICIÓN DO CANILLAS TÓDALAS FACILIDADES PARA CELEBRAR O SEU CAMPUS DE VERÁN
Rubén Fernández lamentou a decisión do club madrileño e dixo que ó igual que se leva facendo en anos anteriores, o Concello de Cervo puxo a disposición desta entidade deportiva todas as instalacións deportivas municipais
Despois de que as comunidades escolares dos CEIP´s Cervo e Cervo nº1 amosaran a súa negativa a ceder as súas instalacións para acoller aos participantes do campus o Concello propúxolle ao club acondicionar o ximnasio do IES Marqués de Sargadelos como albergue e puxo á súa disposición as escolas vellas de San Román
Cervo, 7 de abril de 2010.- O concelleiro de Deportes de Cervo, Rubén Fernández, quixo puntualizar as informacións aparecidas no día de hoxe referidas á negativa da Asociación Cultural y Deportiva Canillas de organizar o seu campus de verán neste concello.
A este respecto Fernández lamentou a decisión do club madrileño e dixo que ó igual que se leva facendo en anos anteriores, o Concello de Cervo puxo a disposición desta entidade deportiva todas as instalacións deportivas municipais. “Levamos mantendo conversas con eles as últimas semanas e nelas reiterámoslles a nosa intención de facilitarlles as instalacións do polideportivo e campo de fútbol municipal situados na Veiga e da piscina olímpica municipal de Lieiro como vimos facendo dende o ano 2005” recalcou o edil de Deportes.
Ao fío disto, Fernández indicou que ademais das instalacións deportivas, os responsables do club madrileño lles solicitaron tamén un sitio para albergar aos nenos participantes do campus. “Durante estes anos os nenos pernoctaban nas instalacións do CEIP de Cervo e no CEIP Cervo nº1 de Galdín, pero nesta ocasión non puidemos obter o preceptivo permiso dos consellos escolares deste centros. Por iso, barallamos como alternativa albergalos nas instalacións do IES Marqués de Sargadelos e para iso remitímoslle a ese centro una petición de uso do seu ximnasio e de tres das súas aulas, pero a dirección nos adiantou que a cesión das aulas ía a ser imposible, aínda que si accedían a cedernos o seu ximnasio” sinalou o edil de Deportes.
Ningunha opción lles pareceu válida
Diante desta situación, o Concello propúxolle ós directivos do Canillas habilitar o ximnasio do Marqués de Sargadelos como recinto para albergar aos nenos e tamén lles deu como opción complementaria a posibilidade de que puidesen utilizar as instalacións municipais da antiga escola unitaria de San Román para que os nenos puideran albergarse alí. “Ningunha destas dúas opcións foi aceptada polos responsables do Canillas e diante desta negativa nosoutros dende o Concello nada podemos facer máis que lamentar que todas as opcións que lles aportamos non lles parezan válidas e si en vindeiras edicións reconsideran a súa postura, nosoutros estaremos gustosos de colaborar novamente con eles” sentenciou Fernández
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
