Nota de prensa:
O CENTRAD ensina a construír un hórreo de varas nun obradoiro que imparte esta semana
– O artesán Carlos Fontales é o encargado de ofrecer as clases, que se desenvolverán hasta o venres en horario de 10:00 a 14:00 e de 16:00 a 20:00
– A inscrición nas xornadas formativas programadas polo centro de artesanía da Deputación para a primavera pode facerse nas súas propias instalacións ou na web
www.centrad.org
O Centro de Artesanía e Deseño (CENTRAD) imparte esta semana un obradoiro que ensina como construír un hórreo tradicional galego de varas, unha das tres tipoloxías básicas desta construción típica do rural, que se caracteriza por ser de reducidas dimensións e facerse con materiais vexetais. O artesán Carlos Fontales ocúpase de impartilas clases, que se desenvolverán hasta este venres en horario de 10:00 a 14:00 e de 16:00 a 20:00. Os alumnos do obradoiro, para o que se cubriron as prazas dispoñibles, farán todo o proceso de construción dun hórreo de varas.
Esta semana tamén comeza outra xornada formativa, enmarcada como a anterior na programación de primavera do CENTRAD, neste caso sobre artes do libro. En concreto, céntrase nas técnicas de rotulado e decoración con pan de ouro sobre a pel. Empeza o venres e continuará hasta o domingo, de 16:00 a 20:00 horas o primeiro día e de 9:30 a 13:30 e de 16:00 a 20:00 horas, os outros dous. J.A. Fernández Argenta é o profesor. Por outra banda, continúa o curso fabricación de esmaltes ao lume e o uso desta técnica na confección de pendentes de prata e cobre, iniciado a pasada semana e que rematará este domingo. Miguel Caamaño é o artesán de xoiaría que as ofrece, en horario de 17:00 a 21:00 o xoves e o venres, e de 17:00 a 21:00, os sábados e domingos.
O prazo de solicitude de prazas nos cursos de primavera do centro de artesanía da Deputación segue aberto e poderase facer ata cinco días antes do inicio de cada obradoiro nas súas propias instalacións ou ben a través da páxina web www.centrad.org Aínda que na maioría dos casos a cota de prazas establecida xa está cuberta e incluso nalgúns hai lista de espera, en 10 dos 31 obradoiros programados quedan vacantes. Son os seguintes: “Cestaría de láminas de madeira. Patelas para o peixe”; “Cestaría de Palla. Sancosmeiro de Noia”; “Técnicas de Macramé aplicadas á cestaría”; “Cestaría de Palla cobre cartón”; “Engaste de pedras”; “Deseño de espazos/Deseño de Stands” (para artesáns profesionais); “Restauración de mobles”; “Pinturas vítreas. Elaboración de obxectos de vidro”; “Escultura en vidro” e “Pedra e Ornamentación”.
Entre as xornadas predominan as de cestaría e xoiaría, pero incorpóranse novidades como os cursos de fabricación de cerámica coa técnica “Raku occidental”, deseño de espazos de exposición, fotografía dixital, fabricación de papel e talla de pedra. Polo demais, tamén haberá obradoiros de téxtil, restauración de mobles e elaboración de pezas de vidro.
Por outra banda, continúan as clases de dous dos obradoiros correspondentes á programación de inverno. Trátase de “O torno na escultura”, que remata o 30 de maio, e as xornadas de olería de Bonxe, que se desenvolven no taller de Josefa Lombao e seguirán hasta o 1 de xuño.
Obradoiros en Burela, Vilalba e Riotorto
A programación de obradoiros portátiles que ofrece o CENTRAD nos centros de ensinanza da provincia inclúe esta semana sesións de encadernación de libros no colexio Vista Alegre de Burela; de fabricación de pel, no CEIP Monseivane de Moreda de Vilalba, e de monicreques no colexio de Riotorto.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
