Nota de prensa:
A Deputación puxo hoxe á venda en lugares estratéxicos os primeiros 150 produtos Lugo Sabe
– Besteiro e as firmas colaboradoras presentaron un dos 14 expositores distribuídos en supermercados Cemar ó longo das provincias de Lugo e Coruña, e en 4 estacións de servizo da A-6 á altura do Corgo e Guitiriz
– Logo da incorporación de novos produtos e da avaliación dos resultados nas vendas, a Deputación incrementará os puntos de venda, situando máis stands fóra da provincia
– O Presidente anuncia que, debido a demanda das empresas agroalimentarias da provincia, na seguinte fase de Lug02 incorporaranse produtos de fóra das Reservas da Biosfera
Dous días despois de conceder a marca de garantía de calidade Lugo Sabe ós primeiros 150 produtos autóctonos da provincia, a Deputación puxo hoxe en marcha a primeira medida para potencialos. Hortalizas, mel, pan e derivados, queixos, carnes de vacún e porcino, así como embutidos ou doces de 35 empresas agroalimentarias da provincia, xa se atopan á venda en tendas de Cemar, Cafestore e La Palloza Gallega. O Presidente da institución, José Ramón Gómez Besteiro, e a representante de Cemar, Ana María López Amarante, presentaron este venres, no supermercado de dita cadea na rúa Quiroga Ballesteros da capital, un dos 14 expositores distribuídos dende hoxe polas provincias de Lugo e A Coruña.
Gómez Besteiro salientou que “hoxe comezamos unha nova etapa que temos vontade de continuar. Xuntos, faremos que se recoñeza a calidade dos nosos produtos e que soen en todas partes. Dende o mércores, recibimos moitas chamadas de xente que quere incorporarse. Por iso, na segunda fase de Lug02 incorporaranse produtos autóctonos de fóra das Reservas da Biosfera. Ata o momento, esta é unha obriga da Unión Europea”.
Dende hoxe, os primeiros produtos que posúen o distintivo do organismo provincial pódense mercar nos establecementos de Cemar en Pobra de San Xillao, Ribadeo, Ferreira do Valadouro, Meira, Castro Riberas de Lea, Palas de Rei, nas rúas Quiroga Ballesteros e Monteros Ríos da cidade lucense, así como en Ortigueira e Cedeira, na Coruña. Ademais, tamén se venden nas 4 estacións de servizo da A-6, á altura de Guitiriz e O Corgo.
Unha vez que se avalíen os resultados deste proxecto piloto, a Deputación incrementará o número de expositores, levando os produtos Lugo Sabe polas máis de 40 tendas que posúe Cemar na Comunidade. Da mesma forma, tamén estudará o nivel de vendas nos establecementos da autovía A-6, -transitada a diario por 10.200 clientes potenciais, segundo datos de Fomento-, co obxectivo de levar máis “stands” a outras estacións de servizo e puntos estratéxicos.
O organismo provincial inviste nesta iniciativa, enmarcada en Lug02 , 60.000 euros. Dentro deste mesmo programa cofinanciado nun 70% con fondos da Unión Europea, a Deputación porá en marcha en maio novas medidas de comercialización dos produtos autóctonos. Trátase da primeira plataforma de comercio electrónico na provincia. Será un espazo onde, de xeito totalmente gratuíto e as 24 horas do día, as empresas lucenses poderán anunciar, vender e distribuír os produtos agroalimentarios. Nas vindeiras semanas, abrirase a listaxe para que todas as empresas que o desexen se sumen, sen custe algún, a esta iniciativa.
Produtos á venda
Os 150 primeiros produtos Lugo Sabe postos á venda son moi diversos: hortalizas (pementos, cebolas, tomates, nabos, xudías…), mel, pan e derivados (empanadas, bolos preñados….), queixos (San Simón da Costa, de Tetilla, Galego, do País..), carnes de vacún e porcino, así como embutidos (xamóns, butelos, chourizos, lacón, cacheira, androlla, touciño, costelas, soá, lacón, tenreira galega…), ou doces (roscón de amendoa, bombóns, torta de Guitiriz, tarta de Mondoñedo, marmeladas, castañas en almibar…).
As primeiras 35 entidades lucenses que someteron ós seus produtos a unha rigorosa avaliación durante todo o proceso de fabricación, para acadar o distintivo de garantía de calidade da Deputación foron: As Fadegas (Ribadeo), Labregos de Lugo SAT (Riotorto), O Trobo, Mel do Valadouro (O Valadouro), Panadería Rubal (Mondoñedo), José César Páez Santamaría (Ribadeo), Capones Aurora (Vilalba), Daniberto SAT (Vilalba), Queixería Don Crisanto (Vilalba), Queixería Cas Leira SL (Vilalba), Atilano Anllo SL (Vilalba), Castelo (Vilalba), Dispravia SL (Vilalba), Queixería Don Gabino (Vilalba), Jamones Francisco Otero Pérez (Vilalba), Queixería Prestes (Vilalba), Cogumelas Muralla (Lugo), Queixos Pacita (Friol), Lualco (Lugo), Bombones Suguimar SA (Lugo), Panadería Concha Campaceira (Friol), Embutidos Campa (Cervantes), Panadería Os Ancares (Cervantes), Torre de Núñez (Lugo), Embutidos Suarna (Navia de Suarna), Panadería La Esquina (Gutiriz), Confitería La Alianza (Mondoñedo), Confitería Méndez (O Valadouro), Embutidos Hermelio (O Valadouro), ACISAL (Vilalba), Dulce María Barro Fernández (Vilalba), Frilea SL (Castro de Rei), Jamones González SL (O Corgo), Delicias do Souto (Folgoso do Courel) e Caurelor (Folgoso do Courel).
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
