Nota de prensa
A AULA CeMIT DO CONCELLO DE BURELA CELEBRARÁ 6 CURSOS DE ALFABETIZACIÓN DIXITAL NO MES DE MAIO
? 1 charla sobre o DNI Electrónico completará as actividades deste mes
Santiago, 28 de abril de 2011. A Aula da Rede de Centros para a
Modernización e Inclusión Tecnolóxica da Xunta de Galicia, Rede CeMIT, do
Concello de Burela celebrará 6 cursos e 1 charla durante o mes de maio.
A Aula CeMIT de Burela acollerá 3 cursos de “Alfabetización dixital: Iniciación á
Informática”. As diferentes edicións deste curso desenvolveranse nas seguintes
datas e horarios:
• O primeiro impartirase do 2 ao 11 de maio en horario de 11 a 12:30 horas.
• O segundo, entre as datas 4 e 23 de maio de luns a xoves de 16 a 17 horas.
• O terceiro, desde o 11 ao 30 de maio en horario de 19 a 20 horas.
Con estes 3 cursos preténdese dotar, aos asistentes, das destrezas necesarias
para manexar un ordenador dun xeito básico. Os cursos van dirixidos á poboación
en xeral.
Entre o 12 e o 19 de maio celebrarase o curso “Alfabetización dixital: Correo
electrónico: webmail”, co que se pretende dotar dos coñecementos para crear
unha conta de correo electrónico coa que enviar e recibir correos de outras
persoas. O horario será de 11 a 12:30 horas e a actividade está enfocada á
poboación en xeral.
Neste mes de maio impartiranse tamén 2 cursos de “Alfabetización dixital:
Iniciación a Internet”. As datas e horarios destes 2 cursos serán:
• O primeiro celebrarase entre as datas 20 e 27 de maio en horario de 11 a
12:30 horas.
• O segundo, desde o 24 de maio ao 7 de xuño de 16 a 17 horas.
Con estes 2 cursos amosarase, aos usuarios, as nocións básicas da navegación
por Internet co programa libre Mozilla Firefox, ámbolos dous cursos van dirixidos
á poboación en xeral.
As actividades do Aula CeMIT de Burela en maio complétanse coa “charla: DNI
Electrónico”, que terá lugar o 30 de maio ás 11 horas, permitirá aos asistentes
coñecer como funciona o DNI Electrónico e todos os trámites que se poden facer
con el a través de Internet. Esta charla vai dirixida tamén á totalidade da
poboación burelense.
A iniciativa da Rede CeMIT da Xunta de Galicia é unha das estratexias
fundamentais para o desenvolvemento das iniciativas de difusión e achegamento
dos cidadáns as Novas Tecnoloxías e a sociedade da información. A Rede
CeMIT ten como obxectivo potenciar actuacións relacionadas co
desenvolvemento da actividade económica, empresarial e da implantación dos
servizos electrónicos, titorizando a cidadanía con maiores dificultades e
proporcionándolles os medios e ferramentas necesarios para poder formar parte
activa da Sociedade da Información.
Para inscribirse ou para solicitar máis información sobre as citadas actividades
poden dirixirse á Aula CeMIT de Burela, sita na Casa da Xuventude do concello ou
enviar un correo electrónico ao enderezo cemit.burela@xunta.es
Contacto:
Roberto Caneiro Manteiga
Axente TIC
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
