Nota de prensa
A Deputación ten que devolver 236.186 euros por non desenvolver en tempo a acción formativa á que ían destinados
Os populares consideran que esta circunstancia pon de manifesto a desidía dos responsables provinciais e pregúntanse de onde sairán os cartos para facer efectivo o importe que ten que reintegrar
Lugo, a 29 de abril de 2011.- A Deputación ten que devolver ó Instituto Nacional de Administración Pública (INAP) boa parte dunha subvención (236.186 euros de 255.481 euros), destinada ó financiamento de cursos de formación, porque foi incapaz de desenvolver, en tempo e forma, a súa realización.
A subvención, concedida por lo INAP o 14 de xuño de 2010, tiña como finalidade financiar o desenvolvemento de Plans de Formación Continua no ámbito da Administración Local para o Plan Agrupado de Formación Continua 2010. Pero dado que a Deputación foi incapaz de realizar estas accións formativas no exercizo económico no que se concedeu e, por tanto, foi non puido xustificar os gastos realizados antes do 15 de marzo do presente ano, o presidente da institución provincial, José Ramón Gómez Besteiro, tivo que asinar un decreto, con data do pasado 11 de marzo, polo que se prodedía ó reintegro do importe non xustificado (236.186 euros).
A Deputación, salientan dende o Grupo provincial do Partido Popular, pretende xustificar a súa mala xestión dicindo que o plan non se puido levar a cabo debido ás obras que se estaban a realizar na Deputación dende o último bimestre do 2010, o que obrigou a buscar aulas externas nas que desenvolver o plan de formación continua e, por conseguinte, a súa execución. Para xustificar esas obras alúdese a un informe do Servizo de Prevención de Riscos Laborais do 12-11-08 na que indica que os locais adicados a formación non reúnen os requisitos mínimos esixidos para esta función.
Entenden os populares que a Deputación tería que ter previsto que as obras, que adxudicou o 02-07-2010, poderían ter incidencias na realización dos plans de formación continua e buscar, a tempo, solucións que evitasen a perda da subvención. Fundamentalmente, recalcan, porque a planificación das accións do Plan Agrupado de Formación Continua é posterior á adxudicación desas obras.
Dende o Grupo provincial do Partido Popular consideran, por tanto, que a perda desta subvención pon de manifesto a desidía dos responsables provinciais e confirma “a súa falta de interese real” por mellorar a formación dos traballadores adscritos ás administracións locais.
Os populares tamén se pregunta de qué partida se sustraerán agora os 236.186 euros que a Deputación ten que devolver ó Instituto Nacional de Administración Pública.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
