Nota de prensa:
NEVES CANDO DENUNCIA O GRANDE RETRASO QUE ESTÁ A SOFRIR A APLICACIÓN DA LEI DE DEPENDENCIA EN BURELA. SEGUNDO A RESPONSABLE DE BENESTAR SOCIAL HAI PERSOAS QUE TEÑEN RECOÑECIDO O SEU GRAO DE DEPEDENCIA HAI UN ANO E AÍNDA NON RECIBIRON PRESTACIÓN ALGUNHA.
Burela, 2 de maio de 2011. A concelleira de Benestar Social, Neves Cando, denunciu o grande retraso que está a sofrir a aplicación da lei de dependencia en Burela, porque hai persoas que teñen xa ecoñecido o seu grao de dependencia desde hai casi un ano e a día de hoxe aínda non teñen concedida ningún tipo de prestación.
A edil nacionalista explicou que “se trata de persoas que solicitaron a axuda de familiar-coidador e aínda non recibiron ningunha resposta. Nalgún caso estamos a falar de persoas catalogadas como dependencia severa e que, segundo publica a Xunta de Galicia na súa páxina web, tiñan que ter xa a acceso a este servizo en 2009, pero non só levan un ano de retraso na valoración da súa dependencia senón que levan outro máis agardando a que lles concedan o servizo ao que por lei teñen dereito, unha vez valorados”.
Neves Cando sinalou que “estas persoas que están a sofrir este grave retraso achéganse ao Concello demandando información sobre o seu expedente. Nós puxémonos en contacto coa Xunta preguntando por esta cuestión e a resposta que recibimos é que non hai cartos para atender estes casos xa valorados que solicitaron a prestación económica para coidados no entorno familiar e que non saben cando se poderán atender”. A concelleira de Benestar Social engadiu que “desde o Concello queremos reclamar atención urxente para estes casos porque estamos a falar de persoas valoradas cunha dependencia severa que non teñen adxudicado pola Xunta ningún tipo de prestación conforme á súa valoración e ao que está estipulado na lei de dependencia”.
Para Cando “de nada serve que hai uns días se anunciara desde a Consellería de Traballo e Benestar Social que para o ano que ven se ían arbitrar novos servizos e un novo catálogo de prestacións, se a día de hoxe as persoas que están valoradas levan un ano agardando por unhas prestacións ás que xa teñen dereito por lei”. A edil do BNG considera que “a atención aos dependentes ten que ser unha prioridade do goberno galego do PP e a excusa de que non hai cartos non vale. Estas persoas teñen dereito a este servizo e o goberno do PP terá que dárllelo”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
