Nota de prensa:
Veiga denuncia que o Sergas agocha con propaganda a falta de compromiso coa sanidade na Mariña
O BNG alerta de que o XXV aniversario do Hospital semella máis as vésperas do seu enterro.
O Bloque Nacionalista Galego solicita da Conselleira de Sanidade, que aproveite a súa visita a Burela, para aclarar o futuro do Hospital da Costa e nomeadamente que explique os servicios que deixará de prestar o mesmo unha vez que se consume a posta en marcha da Xerencia Única da Área de Xestión Integrada, os problemas de espacio do Hospital e as limitacións para prestar determinados servicios así como as medidas que ten previsto poñer en marcha o seu departamento diante das listas de espera do Hospital, como recoñeceu o SERGAS en datas recentes, todo un record na sanidade pública en Galiza.
“Agardamos que os actos do XXV aniversario do Hospital da Costa non se corveta nas vésperas do seu enterro” afirmou hoxe Antonio Veiga quen recordou que “como é sabido a Xunta de Galiza está a esperar a que se celebren as eleccións municipais para poñer en marcha a Xerencia Única da Área de Xestión Integrada de Lugo, algo que a mesma Consellaría recoñeceu en sede Parlamentaria ao afirmar que a mesma entraría en vigor no segundo semestre de 2011. Non imos volver a explicar o que significa para a Comarca a posta en funcionamento da mesma, posto que é algo que sabemos ben os veciños da Mariña e contra a que nos manifestamos de xeito masivo fai un ano, agora ben que teñan claro os responsábeis da Xunta e os representantes do PP na Mariña que non imos permitir que convertan ao Hospital da Costa nunha mera sucursal do Hospital de Lugo. En definitiva as xentes da Mariña non estamos dispostos a volver trinta anos atrás na prestación médica na Comarca tal como acontecería no caso de que a proposta de Area de Xestión fora adiante”.
O Responsábel Comarcal do BNG denunciou “a absoluta desconsideración e a falla total de compromiso da Xunta de Galiza co Hospital da Costa, un Hospital que foi o resultado das grandes loitas que se deron na Mariña a finais dos setenta e principios dos oitenta, Hospital da Costa a quen o Goberno de Feijoo lle anulou tras chegar posteriormente o Goberno o seu Plano director, opoñéndose punto seguido a súa ampliación. Abonda mirar os Orzamentos da Xunta para cuantificar ese compromiso, un compromiso de miseria, que non só afecta, as dotacións e infraestructuras prometidas na propia campaña senón que ten o seu correlato na falta de medios humanos, baixo a escusa de que non hai facultativos dispoñíbeis, e que trouxo consigo a precariedade de especialistas e que mesmo ao longo deste ano e do ano pasado houbese especialidades que durante períodos máis ou menos amplo non estivesen cubertas”.
Os nacionalistas quixeron referise aos dados sobre as listas de espera que fixo públicas o SERGAS que sitúan ao Hospital da Costa á cabeza das mesmas nas listas de agarda, ás que definiron como “unha autentica vergoña da que a Conselleira e a actual equipa directiva do Hospital deben responder. A Xerencia do Hospital pretende agochar a súa ineficacia e a súa falla de compromiso cos doentes da Mariña aos que somete a estas listas de espera de escándalo con triunfalismo e propaganda. Mesmamente estas cifras danse á par que está aumentar de xeito considerábel o que se dá en chamar peonadas, tal como recoñecía o propio Xerente, e nun momento no que se está derivar como nunca á privada, doentes da Comarca. É máis estes números que evidentemente están maquelados, até o punto de que os tempos de espera tanto en consultas como en ciruxia son maiores, evidencian a falta de compromiso desta equipa directiva coa sanidade pública e responden a un interese deliberado por parte da mesma por deteriorar a sanidade na Costa e favorecer o negocio das clínicas privadas”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
