NOTA DE PRENSA DO PARTIDO POPULAR
O PP di que o alcalde quere usar os cartos de todos os galegos no seu beneficio.
Asegura que ningún representante da Xunta foi convidado ó acto de presentación .
Lembran que ainda non lle pagou vinte mil euros á Confraría de Pescadores.
Burela, 5 de maio de 2011.- O PP burelés manifestou hoxe que o alcalde e o bipartito burelés queren empregar os cartos de todos en beneficio propio, como o demostra que ó acto que se celebrará hoxe, de presentación de , non se teña convidado a ningún representante da Xunta, a pesares de que a edición está subvencionada precisamente pola Consellería do Mar, a través do Grupo de Acción Costeira. O proxecto custou 40.120’38€ dos que a Consellería do Mar aportou a metade, 20.060’19€. Para que logo digan que a Xunta de Feijoo non se porta ben con Burela, porque neste caso portouse demasiado ben.
Segundo os populares, esta forma de actuar demostra a falla de respecto institucional do alcalde e do bipartito, e demostra a baixeza política e moral da persoa do propio alcalde. Persoa que despois non tén ningún reparo, escondéndose nas siglas do PSOE, en insultar ás persoas que por exemplo no seu día falamos con José Blanco sobre o corredor Barreiros-San Cibrao ó seu paso por Burela.
Esta forma de actuar deixa ben ás claras a forma de ser do alcalde, e demostra tamén que quere convertir este acto de presentación dunha iniciativa que tén certo interese en acto de exaltación de si mesmo, como se el fose o descubridor do mundo do mar de Burela. Nada máis lonxe da realidade, porque esta iniciativa tén precedentes, o libro e dvd “Burela a bordo”, que se editou en 2005 cun goberno municipal do PP, e o traballo que a Confraría de Pescadores de Burela leva facendo desde hai ano e medio de forma calada sobre o mesmo asunto do traballo que hoxe se presenta.
Resulta lamentable esta actuación do alcalde, que ainda non lle pagou vinte mil euros á confraría de pescadores de Burela polo uso da nave de redes para a celebración de EXPOMAR hai dous anos e de PRODUART.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
