Nota de prensa
HOXE COMEZAN AS FESTAS PATRONAIS DE BURELA CUNHA EXPOSICIÓN DE FOTOS E CUN CONCERTO. O SÁBADO LEERÁSE O PREGÓN E O DOMINGO SERÁ O DÍA DO TRAXE GALEGO, QUE SE CELEBRA POR PRIMEIRA VEZ, SEGUNDO SUBLIÑABA HOXE NEVES CANDO.
Burela, 26 de maio de 2011. Hoxe comezan as festas patronais de Burela cunha exposición de fotos e cun concerto. Mañá terá lugar a baixada da Virxe do Carme desde a igrexa da Vila do Medio ata a parroquial, o sábado será a lectura do pregón e o domingo por primeira vez celebrarase o día do traxe galego. A concelleira de Cultura, Neves Cando, anima a todos a disfrutar das festas de 2011.
Cando comentou que “hoxe arrincan as festas patronais de Burela 2011 e fano igual que ano pasado cando inaugurábamos unha exposición de fotografías sobre a historia de Burela, organizada pola asociación de veciños das Casas Baratas. O ano pasado fora unha exposición que recollía a historia deste barrio, pero diante do éxito que supuxo esa exposición este colectivo se viu casi obrigado a ampliar esta recollida de fotografías sobre a historia do noso pobo a máis barrios de Burela. E xa nos meses de abril e de maio se fixo unha exposición de parte desta nova tanda de fotos e agora nesta segunda parte se completa ese panorama fotográfico cunha exposición sobre fotografías dentro da historia de Burela. A exposición inaugúrase hoxe ás oito e media na sala de exposición da Casa da Cultura. E ás nove e media inauguramos estas festas cun concerto da Coral Polifónica de Burela e o coro de maiores do Conservatorio de Viveiro”.
A edil nacionalista seguiu a relatar que “para este primeiro fin de semana das nosas festas continuaremos mañá venres cunha festa de Cabo Verde, que había anos que non se celebraba e que agora o colectivo de caboverdianos decidiu retomar o tema e integralo no programa das festas. Esta cita será a partires das 20 horas na praza de abastos. E ás 21 horas teremos a misa en honra á Virxe do Carme e a baixada da imaxe desde a igrexa da Vila do Medio ata a parroquial. Xa o sábado é por así decilo o día oficial de arrinque das festas coa lectura do pregón ás 21:30 no auditorio da Casa da Cultura. Este ano a pregoneira é Emilia García López, unha licenciada en Xeografía e Historia e doutora en Historia Contemporánea da Universidade de Santiago de Compostela, unha burelesa que xa participou con nós na comisión municipal para a creación do museo e do arquivo do Concello de Burela. É unha historiadora, autora de artigos e libros varios sobre a historia da política galega do século XIX e que desde setembro de 2004 traballa no Consello da Cultura Galega como responsable da área de Acción Exterior. Despois deste pregón ás 22 horas tamén na Casa da Cultura haberá o concerto do grupo folk Roi Casal e a continuación na praza da Mariña ás 23 horas terá lugar a primeira verbena que inaugura estas festas patronais de Burela”.
Neves Cando engadiu que “o domingo teremos unha novidade, porque decidimos instaurar o día do traxe galego. É a primeira edición e ás 12:30 horas haberá unha recepción na praza do Concello de todas as persoas que a nivel particular están convidadas a participar nesta cita e tamén as asociacións que se nos apuntaron para participar colectivamente neste día do traxe. Esta xornada rematará ás 18 horas cun desfile no auditorio da Casa da Cultura. E o domingo tamén é o día adicado aos nenos e ás nenas de Burela, desde ás catro e media ás oito da tarde haberá na praza do Concello unha festa infantil para todos eles. Estes son os actos programados para este primeiro fin de semana das festas patronais e despois retomaránse o vindeiro xoves coa que será a fin de semana grande de ditas festas”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
“A nosa provincia será un dos mellores lugares do mundo para ver este fenómeno e estamos a traballar para estar á altura”, valorou a mandataria provincial.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
O Deputado de Promoción Económica e Social, xunto ao Alcalde meirego e o músico berciano, presentaron no Pazo de San Marcos este concerto especial que acollerá a igrexa Monasterial de Santa María, o vindeiro 6 de agosto, ás 21:00 horas.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
