RIBADEO .- (FNC) O alcalde de Ribadeo, Fernando Suárez, conseguiu concertar unha xuntanza para o vindeiro luns 12 de xaneiro en Santiago co fin de analizar o plan sectorial de vivenda da Xunta. O encontro será con responsables de Consellería de Vivenda e Solo e ao mesmo están convidados os voceiros municipais de Ribadeo.
Suárez Barcia asegura que “o goberno municipal está traballando con ánimo de buscar saídas dialogadas e consensuadas con respecto ao plan sectorial de vivenda, dado que está sendo rexeitado por parte dos tres grupos da oposición. A nós este plan parécenos fundamental para Ribadeo, pero como goberno municipal non queremos ter unha postura encasillada e tratamos de buscar diálogo. Por iso conseguín que responsables da Conselleria de Vivenda e Solo nos reciban a min, como alcalde, e aos portavoces de tódolos grupos da corporación en Santiago o luns ás cinco da tarde para ter unha reunión co director xeral do Instituto Galego de Vivenda e Solo, Daniel Pino; co delegado provincial da Consellería de Vivenda, Cosme Pombo, e co redactor do plan sectorial de vivenda protexida. O obxetivo é dialogar e buscar unha saída a esta circunstancia”.
O rexedor engade que “desde o Concello parécenos un tremendo erro que Ribadeo se poida quedar sen un plan de vivenda cunha importante inversión, con vivenda protexida para un abano importante da poboación ribadense, para a dotación de espazos públicos e tamén para darlle un impulso ao sector da construcción neste momento de crise económica”.
Fernando Suárez explica que “xa onte púxenme en contacto con tódolos portavoces para convidalos á reunión do luns en Santiago”.
O alcalde de Ribadeo buscará en Santiago “saídas dialogadas e consensuadas” ao plan sectorial de Vivenda
Relacionado
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
