A REVISTA “ BOLANDA”
P
resentouse na Casa da Cultura de Foz o Nº 2 de “Bolanda”, revista da Asociación Cultural A Pomba do Arco, que se inícia cun “Canto de presentación” que dí: “ Aos pobos pásalles como aos seres humanos: o último que perden é a dignidade. Unha vez que a perden deixan de ser”.Nela o historiador Xoan Ramón Pacio, presidente de A Pomba, fai un estudo encol da fidalguía focega e do vínculo herdeiro da Casa Grande de Marzán, con escudo de armas, dende o ano 1395 e a súa relación e vínculos coas casas do Fiscal de Nois, os Osorio Rebellón e As Abelairas de Cangas.
Javier Rivera en “A caza da balea en Nois” conta que éste uníuse co porto de Foz (1609) para desenvolver dita pesca na Idade Media, “por en cuanto entre nós ha habido muchos pleitos y diferencias sobra la caza de dichas ballenas”.e da industria do salgado, da que existen restos testemuños da mesma. A orixe do pobo, agrario e pesqueiro, pérdese na lenda.
Antón Niñe asina “A escola de Fondós”, na que é especialista, pois que o leva estudando con agarimo dende hai tempo. Convertida en gardería , foi creada en 1749 por Pascual Villapol, emigrado en Perú. Rechamantes as normas que dicta para a vida da escola, e as distintas funcións que acolleo aquel edificio que mesmo chegou a ser o cárcere do concello. De Villapol, único fillo de Foz que, dende a emigración, favoreceo ó seu pobo. ó dotalo dun importante medio cultural, en tan míseros tempos, nen unha humilde rúa lembra o seu nome..Cando os gobernantes locais deron en pensar, puxeron unha a Mikael Gorvachov.¡Xenial! É sabido: cando os políticos pensan hai que tremer. Fano poucas veces, iso é verdade.
Luis Cordeiro, onomástico de entrañable resoancia, arqueólogo, fala das sondaxes en San Martiño; Ramón Ermida e Mónica Pazos tran á memoria a figura miúda dun histórico do ensino, don Manuel Lugilde, e Ramón Eiras conta a brilante historia do Baloncesto local.
Un fermoso poema de Baixeras e, para muitos, o descobremento do Caxigueiro poeta, pechan o contido da revista pola que felicitamos á Pomba do Arco, cada unha de cuxas iniciativas son un exemplo de bó facer. O deseño e maquetación, a pulcritude da impresión e a ilustración, impecables.
Suso Fernández
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
