Nota de prensa
A ENTIDADE LARANXA PRESENTA A QUIQUE GARCÍA COMO TÉCNICO DO BURELA FS
O CD Burela FS presentou esta tarde o que será o técnico do Burela FS en 2011-12, Quique García, substituíndo o mariñán Suso Rey. O adestrador xienense, que ascendeu o Fuconsa Jaén FS á Divisitón Prata en 2009-10, estivo acompañado polo presidente e vicepresidente da entidade, José Ramón González Casas e Manuel Blanco, na formalización do contrato.
Tras unha brillante traxectoria como xogador de elite, no Zeluan Jaén FS, Caja Segovia ou Playas de Castellón, e con numerosas convocatorias como internacional, Enrique Javier García Martínez (Jaén, 1969) asumiu a dirección do Estinman Andújar FS en 2003-04 para levalo á División de Prata nese mesmo exercicio; despois de máis de dúas tempadas no Fuconsa Jaén, o andaluz pechou 2010-11 no Algarinejo FS, de Primeira Nacional A. O novo técnico laranxa tamén posúe experiencia como seleccionador autonómico, cos combinados andaluces sub-21 e sub-18.
Na súa presentación oficial, Quique García amosouse moi ilusionado coa etapa que comeza na Mariña, nun club polo que se decantou en virtude da solidez: “Considero que é unha das estruturas máis consolidadas e organizadas do fútbol sala, incluída a Primeira División. Ata aquí tráeme o proxecto e a confianza que depositou en min dende o primeiro momento o club”.
“Esa confianza quero devolvela con traballo; estes días comezaremos organizando a primeira plantilla e corpo técnico e a pretempada, para detectar as posibles necesidades. Dentro do plan organizativo, as categorías inferiores adquirirán moita importancia; a cadetes e xuvenís dedicarémoslles moitas horas de perfeccionamento e tecnificación” explicou o adestrador.
Con respecto á configuración da escuadra para 2011-12, o xienense quere ser fiel ao proxecto, apostando pola xuventude: “Hai xogadores que teñen contrato e quero contar coa base do ano anterior; temos que analizar en que postos específicos temos que reforzar o cadro. A xuventude será o eixe do equipo, aínda que tamén terán cabida os xogadores con experiencia”.
“O obxectivo dependerá loxicamente do cadro, pero pasa por estar entre os mellores da Segunda División como leva demostrando nos últimos anos; traballaremos por ofrecer o mellor fútbol sala para que a afección, acostumada á boa imaxe do equipo, poida seguir sentíndose orgullosa del” dixo Quique García.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
