Nota de prensa:
RAQUEL ARIAS AFIRMA QUE A XUNTA VALORA E APOIA A ATURMAR “PERO NIN SON OS ÚNICOS INTERLOCUTORES NIN PODEN DIRIXIR A DINAMIZACIÓN TURÍSTICA DA MARIÑA”
A delegada territorial explica que se desenvolven notables actuacións na comarca, como o Plan de competitividade, os convenios para a implantación da Q de calidade ou as ofertas do programa “Vive Galicia”
Destaca que se invisten 304.000 euros na sinalización turística da Mariña e en accións concretas de promoción
Lugo, 4 de agosto de 2011.- A delegada territorial, Raquel Arias, afirmou hoxe que a Xunta de Galicia “valora e apoia o traballo que realiza a Asociación de Turismo Rural da Mariña Lucense” (Aturmar) e que “conta con eles para as diversas actuacións que se desenvolven na zona”.
Non obstante, apuntou, “nin son os únicos interlocutores nin poden dirixir a dinamización turística da Mariña”, dado que “deben conxugarse os seus intereses cos de outros estamentos interesados, dende restauradores e hostaleiros ata os propios concellos”.
Arias afirmou que a asociación Aturmar, que preside Manuel Vicente, foi consultada á hora de elaborar o Plan de Competitividade Turística para A Mariña, documento que serve de guía para deseñar actuacións beneficiosas para o conxunto do sector turístico da comarca. ”En concreto, Aturmar foi convocada tres veces -coa asistencia a todas as reunións do seu presidente-, dúas para reunións colectivas e unha individual”, indica a delegada.
Con respecto ás referencias de Manuel Vicente ao convenio asinado o pasado día 2 coa Confederación de Empresarios de Hostalería de Galicia, Arias lembrou que a Secretaría Xeral para o Turismo comunicou ao propio presidente de Aturmar -por ser tamén presidente da Federación Galega de Turismo Rural, Fegatur- a posibilidade de optar a un acordo semellante sempre que se presentara un proxecto conxunto para o turismo rural de toda Galicia.
En todo caso -incide a delegada- o sector do turismo rural é fortemente apoiado dende a Secretaría Xeral, con subvencións para mellora e creación de aldeas rurais, que en 2011 tiveron un orzamento de 1.000.000 de euros, e axudas para turismo activo por 1.500.000 euros, ás que poden acollerse.
As achegas da Secretaría Xeral para o Turismo, “como ben debe saber o presidente Manuel Vicente, realízanse a través de Agatur e Fegatur, como asociacións máis representativas do turismo rural en Galicia”, detalla Arias. Ademais, dende Turgalicia lévanse a cabo convenios con ambas para a implantación da Q de calidade turística.
O programa Vive Galicia ten seis paquetes dedicados en todo ou en parte a divulgar á Mariña Lucense: Ortegal e A Mariña Lucense, Galicia Mix, Capturando imaxes, Á procura do cogomelo, Semana Santa en Viveiro, e Galicia dende o Golfo Ártabro ata o río Miño.
O respaldo da Secretaría Xeral ao turismo rural galego demóstrase tamén na posta en marcha de programas como Xuventur, que subvenciona a mozos e mozas estadías de fin de semana en épocas de escasa demanda para estes establecementos, co que se consigue desestacionalizar o turismo e achegar a este tipo de aloxamentos a potenciais novos clientes.
O programa Xuventur
Xuventur ofertou 1.000 prazas en 105 establecementos de turismo rural de 53 concellos de Galicia durante abril, maio e xuño. Oito destes establecementos están ubicados na Mariña Lucense, onde se ofertaron 66 prazas entre o 1 e o 17 de abril, significando para a Administración un investimento de 6.600 €.
A Secretaría Xeral para o Turismo irá realizando os pagamentos pendentes a medida que os procesos de Intervención e Tesourería Pública o faciliten, unha vez cumprimentados os trámites administrativos que garanten a plena seguridade xurídica coa que avala a Administración Pública de Galicia as súas actuacións.
304.000 euros para a comarca
Por todo o exposto, a delegada territorial entende que as críticas realizadas por Manuel Vicente son “totalmente inxustificadas”, e que “o apoio da Xunta á dinamización turística da Mariña é incontestable”.
Así, no relativo ás súas declaracións sobre un investimento na comarca de 60.000 euros hai que recordarlle que ascende exactamente a 304.000 euros: 240.000 euros para sinalizar os puntos de interese da Mariña Lucense, e 64.000 euros destinados a accións de configuración de novos produtos, formación e mercadotecnia mediante un convenio coa Mancomunidade de Municipios.
“A Xunta aposta con determinación pola promoción turística da área costeira da nosa provincia, contando con todas as partes interesadas para deseñar unha oferta alternativa e interesante capaz de atraer visitantes ao longo de todo o ano, o que redundará en beneficio de todo o sector; tamén do turismo rural”, concluíu Arias.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
