Nota de prensa
O BNG denuncia que o PP empeza a poñer en práctica o seu programa sanitario oculto aprobando pola porta de atrás os decretos de xestión integrada de Pontevedra-Salnés e Ourense-Verín-O Barco.
Os nacionalistas advirten que A Mariña podería ser a seguinte área no que se vai aplicar o decreto perdendo a súa capacidade xestora para integrarse na de Lugo.
A Mariña, 9 de agosto de 2011. O BNG denunciou a aprobación e publicación no DOG do pasado venres 5 de xullo os Decretos de Xestión Integrada de Pontevedra-Salnés e Ourense-Verín-O Barco, desta maneira ponse en práctica en pleno mes de agosto e sen previa información ás partes interesadas o que o BNG deu un chamar “o programa oculto do PP” que transformará o mapa sanitario galego coa eliminación pola porta de atrás de varias das Áreas Sanitarias nas que se estrutura o actual mapa sanitario galego baixo o falso discurso da austeridade que na practica non é real e só provocará maior mobilidade do persoal sanitario e o que é mais grave tamén dos doentes.
A Área Sanitaria da Mariña pode ser a seguinte en desmantelarse trasladando os seus órganos de xestión a Lugo.
Despois da publicación no DOG dos Decretos de Xestión Integrada de Pontevedra-Salnés e Ourense-Verín-O Barco, sen previa información á cidadanía, representantes dos cadros de persoal, centrais sindicais e Plataformas na Defensa da Sanidade Publica, a Consellaría de Sanidade impón un modelo de xestión que supera os límites xeográficos das actuais Áreas Sanitarias que perderán capacidade decisoria e de xestión en favor dos novos centros de xestión. Antonio Veiga, Responsábel Comarcal Nacionalista, denunciou que “despois dos desmantelamento das áreas sanitarias do Barco e o Salnés, a seguinte podería ser A Mariña co cal o PP poñería negro sobre branco o que o BNG e A Plataforma na Defensa da Sanidade Publica da Mariña vimos denunciando fai tempo.” Veiga advertiu que coa aplicación do novo modelo de xestión integrada, as áreas desmanteladas aínda mantendo a súa denominación, só deixan xerentes pantasma que serán simples transmisores do que se decida nos novos centros de decisión, no noso caso en Lugo.”
O modelo de xestión integrada do PP nin supón un aforro nin mellorará a atención sanitaria dos doentes.
Veiga denunciou que coa aprobación dos decretos de xestión integrada do Barco e do Salnés que acabarán integrándose en Ourense e Pontevedra, “o PP mostra a folla de ruta para que A Mariña siga o mesmo camiño”, engadindo que con este modelo “non se aforra xa que non hai diminución algunha das estruturas directivas e ábrese a porta á mobilidade do persoal sanitario dunhas áreas a outras(tanto nos niveis de asistencia primaria como especializada) e con isto a fuga de facultativos que obrigará aos doentes mariñaos a desprazarse, aínda mais, a centros asistenciais fora da comarca”. “De aplicarse este decreto na comarca estariamos permitindo unha volta ao pasado na asistencia sanitaria na Mariña”, rematou Veiga.
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
Estes servizos sumaranse aos que xa permanecen abertos habitualmente, como os do parque Pernas Peón. O Día das Tortillas, que se celebra o domingo anterior ao Domingo de Ramos, reúne cada ano a veciños e visitantes en varios espazos do municipio. Con esta medida, o Concello busca facilitar o desfrute da xornada e mellorar a comodidade das persoas asistentes. Desde o Concello de Viveiro lémbrase tamén a importancia de facer un uso responsable das instalacións públicas, de manter limpos os espazos naturais e de respectar as n
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Ambas destacaron o impacto cultural do evento deste sábado en Lugo. A gala, presentada por Trisha Fernández e Federico Pérez, contará con actuacións de Xabier Díaz, Adufeiras de Salitre e Mondra.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
A actividade conta coa colaboración do Concello.
