Nota de prensa:
RIOBÓ ACTUARÁ O VENRES 19 DE AGOSTO NO CAMPING GAIVOTA. O CONCERTO ESTÁ PROMOVIDO POLO EIDO DOURADO. O OBXECTIVO DE CELSO DOURADO CON ESTAS ACTUACIÓNS É DIFUNDIR A BOA MÚSICA DE RAÍZ GALEGA.
Barreiros, 17 de agosto de 2011. O grupo musical Riobó actuará o venres 19 de agosto ás 23 horas no camping Gaivota de Benquerencia. O concerto está promovido polo Eido Dourado.
O artista barreirense Celso Dourado sinalou que “o Eido Dourado decidiu este verán promover unha serie de concertos con músicos de primeira calidade. Celebramos dous e démonos conta de que os xardíns dalgunha maneira teñen que ser acondicionados tanto en iluminación como en capacidades e ao mesmo tempo comodidades para acoller este tipo de eventos. Entón os concertos que xa estaban apalabrados decidimos trasladalos ás terrazas do camping Gaivota”.
Dourado anunciou que “este venres imos contar coa presencia de Riobó, que é un grupo de recente formación aínda que os músicos son todos dunha longa traxectoria. É unha formación lideradada por Begoña Riobó, unha violinista que formou parte de importantes proxectos, como Sondeseu, desenrolado por Rodrigo Romaní e de grande importancia no panorama tanto musical como cultural do país galego. Ela é realmente coñecida porque durante un longo periodo formou parte da banda que acompañaba a Carlos Núñez, co cal Begoña Riobó alcanzou unha grande sona”. O artista de Barreiros subliñou que “é a primeira violinista galega en liderar un grupo, no que a base principal é o violín cun tratamento absolutamente novedoso. Apeteceulle facer este concerto porque vai ser a súa presentación en toda a comarca da Mariña. Nunca estivo por aquí, ven por primeira vez o vernes e vai dar un concerto nas terrazas do camping Gaivota”.
O concerto de Riobó será a partires das 23 horas. Celso Dourado agarda que “o tempo nos axude, e a todas aquelas persoas que realmente lles guste a música de raíz galega, a música para escoitar e disfrutar, eu invítoos a que veñan ver esta nova formación de Riobó. É impresionante, actuaron no festival de Pardiñas estes dias atrás acadando unha sona moi importante e creo que é unha formación que se vai manter no tempo”.
Dourado amosóuse sorprendido pola acollida que estes concertos están a ter na comarca, “é impresionante: cando foi a presentación de Doa sobrepasabamos as 250 persoas, no concerto de txalaparta, dos músicos vascos, achegámonos ás 200 persoas e neste último, que foi a sesion de jazz experimental que fixemos na terraza do Gaivota non collíamos, foi unha presentación fabulosa, houbo cantidade de xente que se quedou con pouca visibilidade do concerto porque había moito público. Son concertos gratuitos, o meu interés e difundir a boa música, a música experimental nesta comarca, non me guía outro interés, e espero que deixe pouso, que se vaian asentando e que nesta fermosa comarca haxa máis proxectos que aposten pola boa música de raíz galega”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
