Nota de prensa
O presidente da comisión de festas de San Ciprián cualifica de notable éxito “unha das Maruxainas máis concorridas da súa historia”
O Presidente da Comisión de Festas de San Ciprián fai un balance moi positivo da cita declarada de interese turístico galego
Balseiro cualifica de notable éxito unha das Maruxainas máis concorridas da súa historia
Agradece a colaboración veciñal, de empresas e comercios e das administracións, nomeadamente do Concello de Cervo, polo seu esforzado apoio económico e polo despregue de medios técnicos e persoais.
San Ciprián 18 de agosto de 2011.- O presidente da Comisión de Festas de San Ciprián, Jose Manuel Balseiro, en nome do colectivo organizador fixo un balance moi positivo da pasada edición da festa da Maruxaina, cita declarada de interese turístico galego, que tivo lugar o pasado sábado día 13 de agosto.
Ao remate da reunión da comisión organizadora, Balseiro sinalou que a celebración pechou cun notable éxito, non só en canto a participación -foi unha das máis concorridas dos últimos anos- senón tamén polo bo ambiente acadado en todo momento entre os participantes, e a ausencia de incidentes salientables. Balseiro explicou que “a xente encheu San Ciprián, tanto o venres coma o sábado, participando en todas as actividades. O propio día da Maruxaina as rúas da península da paz estaban repletas de xente, desde a nova praza dos Campos, á prazoleta, incluído a praia do Torno e todos os areais. Milleiros de persoas gozando do ambiente festivo e participando no xantar, nos xogos maruxainos, bailando coas charangas… no momento do desembarco con fogos artificiais… foi simplemente espectacular”.
Jose Manuel Balseiro subliñou que “o balance tamén foi moi positivo tanto pola asistencia como pola colaboración veciñal acadada”. De feito quixo agradecer aos veciños a súa implicación coa festa e tamén aos comercios, hostalería e empresas, que contribuíron ao financiamento das mesmas. O presidente da comisión organizadora lembrou tamén o apoio das distintas administracións, tanto á Maruxaina como ás festas patronais do Carme e quixo nomear dun xeito destacado ao Concello de Cervo, quen non só contribuíu cunha esforzada achega económica senón cun imprescindible e acertado apoio de medios técnicos e persoais.
COMISIÓN DE FESTAS
Balseiro lembrou que o traballo de organización da Maruxaina 2011 e das Festas do Carme de San Ciprián foi posible grazas ao esforzo desinteresado dun grupo de xente aos que quixo facer extensible o seu máis sincero agradecemento. Neste senso lembrou que a Comisión de Festas de San Ciprián que el preside está formada por Ramon Rivas, Antonio Basanta, Alfredo Fernández, Diego Campo, Toño Gallego, Elisabet Peña, Tania González, Marite Rouco, German Fra, Aida Basanta, Monterroso, Jesús Mota, Luisa Blanco, Jaime Barreal, Montse González, Suso Prado, Jose Luis López, Eva García.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
