Nota de Prensa
O BNG VALORA POSITIVAMENTE AS AXUDAS CONCEDIDAS AOS CONCELLOS MARIÑANOS POLAS SÚAS ÁREAS DE GOBERNO NA DEPUTACIÓN E OS CRITERIOS SEGUIDOS PARA ESTE REPARTO.
A Mariña, 17 de xaneiro de 2009. O Consello Comarcal do BNG, reunido hoxe, valora de xeito moi positivo as axudas concedidas por parte das áreas gobernadas polos nacionalistas na Deputación Provincial de Lugo aos concellos mariñanos e os criterios obxectivos coas que se distribuiron. Cultura concedeu no 2008 14 axudas por importe de 52.698 euros aos concellos da Mariña e Deportes distribuiu 49.199 euros nas 21 axudas que lle foron solicitadas desde esta comarca.
Xosé Ramón Ermida di que “o Consello Comarcal do Bloque Nacionalista Galego valorou moi positivamente xa non só a cuantía das axudas que por parte das áreas gobernadas polos nacionalistas se achegaron aos diferentes concellos da comarca da Mariña e das que se da conta, senón que tamén valoramos de xeito moi positivo que as áreas de xestión en mans do BNG reparten as axudas públicas en base a criterios obxectivos”. O responsable comarcal do Bloque Nacionalista Galego insiste “e neso coincidimos o conxunto dos membros do Consello Comarcal do BNG da Mariña no feito de que por parte da Área de Cooperación cos Concellos en mans do PSOE o reparto de criterios se fai na raia da discrecionalidade. Nós pensamos que non pode haber obxectividade mentras siga habendo esa figura que son as agrupacións de veciños que non eran nin máis nin menos que os tres firmóns que Cacharro utilizou durante 24 anos para asentar o que foi o seu goberno na provincia de Lugo”.
Ermida engade que “nós non imos entrar a contestar ás excusas de mal pagador neste caso do portavoz do grupo socialista que é o Sr.Gato, senón que nós queremos situar o debate onde xa no seu momento o plantexamos de xeito unánime os membros do BNG da Mariña. O grupo socialista tennos que dicir si ten vontade de revisar os criterios de concesión de axudas para as comunidades de veciños e no caso de que esa non sexa a súa vontade e que queiran seguilo a facer pola vella desde logo que para eso que non conten co BNG”.
| AXUDAS CULTURA E DEPORTES A ERNTIDADES LOCAIS | ||
| ENTIDADES LOCAIS CULTURA | ||
| CONCELLO | SOL. 2008 | AXUDA |
| A PONTENOVA | 1 | 3.000 |
| ALFOZ | 1 | 3.000 |
| BARREIROS | 1 | 3.000 |
| BURELA | 1 | 3.000 |
| CERVO | 1 | 4.981,72 |
| FOZ | 2 | 7.203,00 |
| LOURENZA | 1 | 4.000 |
| MONDOÑEDO | 1 | 2.436,00 |
| OUROL | 1 | 3.113,57 |
| RIBADEO | 0 | 0 |
| RIOTORTO | 1 | 6.000 |
| TRABADA | 1 | 5.448,75 |
| VIVEIRO | 1 | 3.000 |
| XOVE | 1 | 4.514,68 |
| TOTAIS | 14 | 52.698 |
| ENTIDADES LOCAIS DEPORTES | ||
| ENTIDADES LOCAIS | ||
| CONCELLO | SOL. 2008 | AXUDA |
| A PONTENOVA | 2 | 4.781 |
| ALFOZ | 2 | 5.197,19 |
| BARREIROS | 2 | 5.235 |
| BURELA | 1 | 1.805,18 |
| CERVO | 1 | 2.149,02 |
| FOZ | 2 | 3.378,35 |
| LOURENZA | 1 | 2.422,10 |
| MONDOÑEDO | 2 | 4.074 |
| O VALADOURO | 2 | 5.149 |
| O VICEDO | 2 | 4.567 |
| MURAS | 1 | 3.000 |
| OUROL | 0 | 0 |
| RIBADEO | 1 | 2.435,56 |
| RIOTORTO | 1 | 3.000 |
| TRABADA | 0 | 0 |
| VIVEIRO | 0 | 0 |
| XOVE | 1 | 2.005,75 |
| TOTAL | 21 | 49.199 |
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
