NOTA DE PRENSA
O CONCELLO INVISTE PRETO DE 12.000 EUROS NA MELLORA DA PISCINA OLÍMPICA DE LIEIRO
* O Goberno local aproveitou a parada anual desta infraestrutura deportiva municipal para repoñer o encintado do vaso da piscina
* Estas obras obrigarán a prolongar o seu peche ata mediados de setembro
* O ximnasio municipal -situado nestas instalacións- non pechou en agosto e retomará o seu horario habitual a partir da semana que ven
Cervo, 25 de agosto de 2011.- O alcalde de Cervo, Alfonso Villares, e o delegado de Deportes, José Ramón Soto, desprazáronse no día de hoxe á piscina olímpica municipal de Lieiro para comprobar o discorrer dos traballos de mantemento
e mellora desta instalación (unha das tres únicas piscinas de Galicia de 50 metros de lonxitude).
Ademais dos traballos habituais de mantemento que se fan anualmente no mes de agosto, coincidindo coas datas de verán, este ano o Goberno local decidiu abordar outras obras de mellora do vaso da piscina. “Como cada ano, pechamos en agosto para facer os preceptivos traballos de mantemento xeral, pero nesta ocasión decidimos ademais baleirar o vaso da piscina e repoñer o encintado das xuntas do chan, porque estaban moi desgastadas e corríamos o risco de que os azulexos se desprenderan” indicou o responsable de Deportes municipal.
Segundo precisou o alcalde, as devanditas obras teñen un custe aproximado de 12.000 euros e obrigarán a prolongar o peche da piscina dúas semanas máis do habitual. “Esperamos finalizar o encintado a semana que ven, e unha vez rematado isto, comezaremos a encher o vaso. Normalmente a piscina ábrese a principios de setembro, pero a realización destas melloras vai facer que non poidamos abrir ao público ata mediados de setembro” indicou Villares. Ao fío disto, José Ramón Soto indicou que se precisan 15 días para volver a encher os 2.500 metros cúbicos de auga que ten o vaso da piscina e acadar a temperatura idónea da auga, “de aí parte deste atraso na apertura” dixo.
Tanto o rexedor como o edil cervense pediron desculpas polas posibles molestias que se poidan derivar polo atraso, “pero estamos convencidos de que a xente o entenderá, porque son unhas obras necesarias para garantir o correcto funcionamento desta infraestrutura e redundarán no beneficio de todos os seus usuarios”.
O Ximnasio permaneceu aberto
Alfonso Villares tamén puntualizou que o ximnasio municipal -situado nas mesmas instalacións da piscina- non pechou durante o mes de agosto, se non que axustou o seu horario época estival e adiantou que para a próxima semana está previsto que se retome o seu horario habitual en xornada de mañá e tarde.
Máis de 90.000 euros de inversión nos últimos 20 meses
Villares e Soto lembraron que os investimentos feitos nos últimos 20 meses na piscina de Lieiro superaron os 90.000 euros. “Nun primer momento fixemos unha inversión de 60.000 euros, gracias ao apoio da Secretaria Xeral para o Deporte, e logo modernizamos o ximnasio cunha partida de 21.000 euros, dos cales 8.000 foron froito doutra axuda da Xunta, e agora hai que engadirlle 12.000 euros máis destas obras de mellora do vaso” indicaron.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
