Nota de prensa
A Deputación iniciará nos vindeiros días obras de 180.000 euros na Pobra, A Pontenova e Barreiros
– A Xunta de Goberno aprobou ás contas xustificativas de 9 obras nos Concellos de Sarria, O Páramo, Monterroso, Becerreá e Cospeito por valor de 109.000 euros
– A institución amplía 1 mes o prazo para que os Concellos de menos de 5.000 habitantes executen 59 obras para as que a Deputación achega máis de 1 millón de euros
O voceiro provincial socialista, Manuel Martínez, avanzou este venres que a Deputación iniciará nos vindeiros días obras por valor de 180.000 euros nos Concellos da Pobra do Brollón, A Pontenova e Barreiros. Martínez fixo este anuncio logo de que a Xunta de Goberno acordase o último trámite necesario para o inicio destes traballos: a aprobación dos plan de seguridade e saúde.
A institución acondicionará os accesos en Abrance, A Pobra, Pinel e do pavillón deportivo da Pobra de Brollón. Estes traballos, para os que o organismo provincial achega 55.700 euros, estarán rematado en 2 meses. No caso da Pontenova, habilitarase de rede de saneamento e pavimentarase a zona rural de Sanxés, na parroquia de Bogo. A Deputación inviste nestas actuacións, que estarán finalizadas no prazo de 2 meses, 72.530 euros. Por último, en Barreiros, a institución achega 50.000 euros para a pavimentación da rúa que dá acceso ás vivendas sociais emprazadas ó norte da N-642.
A Xunta de Goberno aprobou ademais, as contas xustificativas de 9 obras do Plan de Comunidades Veciñais acometidas nos Concellos de Sarria, O Páramo, Becerreá, Cospeito e Monterroso por valor e 109.000 euros. Desta cantidade, a institución aportou 81.700 euros e os colectivos os restantes 27.300 euros. As actuacións realizadas foron as seguintes: acondicionamento do local social na parroquia de Santa María de Vilar (Sarria); acondicionamento do local social en Paredes (O Páramo); mellora do camiño da fonte en Vilarmosteiro (O Páramo); acondicionamento de camiños en Vileiriz (O Páramo); formigonado do camiño da igrexa en Liber (Becerreá); construción do local social, depósito de auga e escolleira en Agüeira (Becerreá); renovación da cuberta da igrexa en Becerreá; pintado interior e torre da igrexa de Xermar (Cospeito); formigonado do núcleo de Seixós (Monterroso).
Plan de Pequenas Infraestruturas
Martínez explicou que neste momento a Deputación tamén está a aboar as subvencións de 2011 do Plan de Pequenas Infraestruturas para Concellos de menos de 5.000 habitantes, conforme os municipios entregan a xustificación das obras. Segundo estes datos, a día de hoxe están rematados o 33% dos traballos. Martínez avanzou que “co obxectivo de garantir a realización do 100%, un total de 59 obras que en principio debería estar listas o 15 de setembro, ampliamos en 1 mes o prazo de execución”. Isto supón que, os 54 Concellos beneficiados desta última convocatoria poderán pedir unha prórroga, dirixíndose ó departamento de Cooperación cos Concellos da institución.
O tamén Deputado de Xestión Territorial salientou que “tomamos esta medida, conscientes da importancia destas axudas xa que supoñen unha inxección de cartos para os Concellos neste momento de crise, contribúen a manter centos de postos de traballo nun sector tan castigo como o da construción e logran crear novos servizos ós veciños, aforrando estes custes ás arcas municipais”.
Obras por valor de 5,3 millóns de euros
Dende que a Deputación puxo en marcha en 2008 o Plan de Pequenas Infraestruturas para Concellos de menos de 5.000 habitantes, leváronse a cabo 200 obras nos 54 municipios que se atopan dentro deste grupo, por valor de 5,3 millóns de euros. Desta cantidade, a Deputación aportou o 70% e os municipios o 30% restante. Martínez indiciu en que “a boa acollida deste Plan nos Concellos que vén como outras administracións reducen ás súas aportacións, fixo que incrementásemos ano tras ano o seu investimento”. É que se en 2008 o presuposto foi de 700.000 euros, este ano ascendeu ó 1.042.307 euros, é dicir, aumentou en máis dun 30%.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
