Nota de prensa:
ECONOMÍA E INDUSTRIA INCREMENTA OS APOIOS AOS INVESTIMENTOS DAS PEMES AO AMPARO DO IMPULSA LUGO
A Consellería de Economía e Industria vén de aprobar a modificación das bases reguladoras dos apoios a grandes investimentos empresariais para facilitar subvencións máis intensas a proxectos promovidos por pequenas ou medianas empresas en sectores de actividade considerados estratéxicos polo Impulsa
Os proxectos, con investimentos a partir de 200.000 euros, de nova implantación, promovidos por pequenas empresas en Lugo contarán con subvencións mínimas que cubrirán o 30% do importe subvencionable
No caso dos investimentos que tamén constitúan primeira implantación e sexan promovidos por empresas medianas, a subvención mínima garantida cubrirá o 25% do importe
Os investimentos en ampliación ou modernización impulsados por pequenas e medianas empresas contarán con subvencións mínimas do 25 e do 20%, respectivamente, se corresponden aos sectores estratéxicos
Santiago, 27 agosto de 2011.- A Consellería de Economía e Industria vén de aprobar maiores porcentaxes de subvención para os grandes investimentos, a partir de 200.000 euros, impulsados polas pequenas e as medianas empresas ao abeiro do plan Impulsa Lugo, de acordo co previsto no proxecto estratéxico de desenvolvemento xa aprobado, onde se definen os sectores definidos como estratéxicos no Plan estratéxico para o desenvolvemento da provincia. Os novos investimentos promovidos por pequenas empresas poderán acceder a subvencións mínimas do 30%.
O consello de dirección do Instituto Galego de Promoción Económica (Igape) vén de aprobar a modificación das bases reguladores dos apoios aos grandes proxectos de investimento empresarial para facer posible a superación dos apoios mínimos garantidos con carácter xeral no Impulsa Lugo, que acadan o 20% para proxectos de nova implantación na provincia, e do 15% para investimentos de ampliación ou modernización. Estas porcentaxes de apoio manteranse para os investimentos en sectores non considerados estratéxicos polo Impulsa Lugo.
A modificación aprobada polo Igape garantirá apoios mínimos do 30% para os proxectos investidores que supoñan unha primeira implantación en Lugo e sexan promovidos por pequenas empresas (menos de 50 traballadores), que tamén poderán acceder a subvencións mínimas garantidas do 25% cando os investimentos que impulsen sexan de ampliación ou modernización de instalacións xa existentes.
Do mesmo xeito, os proxectos de primeira implantación promovidos por medianas empresas (de menos de 250 empregados) poderán acceder apoios mínimos garantidos que cubrirán o 25%, apoios que serán do 20% cando os investimentos sexan de ampliación ou modernización.
A maior intensidade nos apoios aos investimentos impulsados polas pequenas e medianas empresas será aplicable aos proxectos que desenvolvan algunha das actividades consideradas estratéxicas ou de futuro no Plan estratéxico de desenvolvemento do Impulsa Lugo, onde figuran, entre outras, a industria de transformación agroalimentaria, incluíndo conservas de pescado; o sector químico e industria farmacéutica; a eliminación, valorización e reciclaxe de residuos; o transporte de mercadorías; hoteis de 4 ou máis estrelas, balnearios e baños, podendo incluír instalacións complementarias; as industrias de biotecnoloxía; ou as actividades de electrónica, robótica, audiovisual, telemática, e telecomunicacións e desenvolvemento de software”.
O incremento na intensidade dos apoios a grandes investimentos na provincia de Lugo, cando sexan impulsados por pequenas e medianas empresas e en sectores de actividade considerados estratéxicos ou de futuro no marco do Plan Impulsa, entrará en vigor unha vez se publique no DOG, despois de que o Consello da Xunta ratifique a modificación das bases que regulan os apoios do Igape.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
