SEN CLASES MEDIAS NON HAI PARAÍSO
A linguaxe faise cada vez máis complicado en relación co diñeiro. Teito de gasto, prima de risco, control do déficit e axencias de cualificación, especie de semideuses que, por non se sabe que estraño subterfuxio, cunha palabra súa poden facer, como por encantamento, que un país enteiro vaia á bancarrota ou renaza das súas propias cinzas na próxima xornada bolsista.
Oír falar de “rescate” ponme os pelos de punta, antes suxeríanos o salvamento dalgún ser vivo en apuros, náufragos nestas terras e mares do norte , hoxe é mellor que non nos perdamos no mundo das finanzas porque se nos teñen que rescatar é que baixamos de categoría ata terceira rexional, pasariamos a ser miserables, desprezables, caste financeira inmunda. Pero non estamos sós, somos como contas de cristal colgando dunha lámpada veneciana cuxo esqueleto é a economía americana-USA, única polo momento que pode facer tremer os cimentos da terra, aínda que en silencio cada día estea máis colgada dos bancos chineses.
Para quen nos esforzamos en entender este xogo diabólico acabamos concluíndo intuitivamente que aquí pasou o de sempre, morreron catro romanos e cinco castrexos, sen eufemismos, que os ricos sono cada vez máis e os pobres máis crebados. O abismo continúa in crescendo, non hai quen controle a fame negra no corno de África pero tampouco as ganancias supermillonarias dalgunhas entidades financeiras, e sen clases medias non hai xeración de riqueza nin produtividade.
Nun segundo termo volvemos os ollos ao resto do mundo, rostros agonizantes de nenos esfameados, incontables seres humanos desprazados e apátridas, sen auga, comida nin sanidade, coas súas riquezas explotadas por nacións estranxeiras, rebelións islamitas contra as súas autócratas, guerras intestinas sectarias, ao que se unen as recentes turbas descontroladas dalgunhas capitais europeas e americanas ou o rexurdir de vellos conflitos en oriente.
Con esta música de fondo podemos falar do milagre español. Con case un cuarto da poboación activa en desemprego xorde o movemento do 15-M, pacífico por principio, sosegado e non moi clarividente. A axuda dos polémicos 400 euros de axuda familiar garante un mínimo de supervivencia.
Otero Regal
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
