Praza dos Campos, corazón de San Ciprián
Aqueles que nas últimas semanas e meses tiveran a oportunidade de visitar San Ciprián puideron comprobar a transformación en positivo que esta localidade acadou con motivo da apertura da nova praza dos Campos. A recuperación deste espazo céntrico, cen por cen público e libre de edificacións, probablemente constitúe un dos principais avances urbanísticos acadado na Península da Paz, tal e como acredita a boa acollida que dela fixeron veciños e visitantes.
Só fixando a nosa mirada no pasado mes de agosto, é posible afirmar que a nova praza acadou un relevante protagonismo. Ateigada de rapaces, pais, nais e avós, foi o principal espazo de encontro da veciñanza. A praza converteuse nun punto neurálxico das principais celebracións locais: nas Festas do Carme, na Maruxaina, na Festa do Marisco, e de cada unha das actividades lúdico-deportivas de verán, acreditando o acertado de dispoñer dos máis de 6.000 metros cadrados de superficie, en pleno centro, ao servizo do pobo.
Sen lugar a dúbidas a praza dos Campos é un dos proxectos que provoca maior satisfacción persoal e política a aqueles que desde o primeiro momento defendemos a súa posta en marcha. A aqueles que buscamos, negociamos e impulsamos os apoios necesarios para a súa apertura e financiamento. Naceu ademais como froito da cooperación entre distintas administracións, reflexo dunha xestión moi acertada nos tempos que corren, posto que ao contar co apoio da Xunta, non supuxo custe algún para as arcas municipais.
A nova praza dos Campos é todo un éxito, claro que si. Un éxito que reflicte o compromiso dun pobo e dun goberno que aposta polo futuro. Que defende o impulso de novas infraestruturas, capaces de xerar actividade económica, capaces de revolucionar desde o punto de vista dos servizos, do incremento do valor e desde o punto de vista social.
Fixemos posible o vello sono de devolver aos netos e aos fillos os espazos que tiñan os avós e os pais, recuperando a fisionomía de San Ciprián que hoxe máis que nunca mira ao mar, ás súas praias e paisaxes. Debemos felicitarnos polo éxito acadado por este ambicioso proxecto colectivo. Hoxe están a ser o conxunto dos veciños os que converten á nova praza dos Campos, ninguén o dubida, no corazón de San Ciprián.
Jose Manuel Balseiro Orol
Secretario do Parlamento de Galicia
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
